Shyqyri Fejzo: Meditime për jetën

Meditime për jetën

Nga Shyqyri Fejzo

Ato që  në jetë arritëm aty

Është fakt, sot kështu si jemi

Sepse nuk na hynë fare në sy

Veç synojmë atë që s'kemi

Kokën prapa kthejmë rrallë

Të shikojmë me dëshirë

A vëmë re ndryshime vallë?

Jemi më keq apo më mire!

Jeta të kthehej prapa përsëri

Do çuditej nga kjo një botë e tërë

Do plotësonte merakun çdo njeri

Do të bënim atë që kemi bërë

Copëza lumturie kudo mblidhni

Në çdo orë e ditë që po kalon

Lumturinë tërë jetën zgjidhni

Vdekjes vetëm një ditë i mjafton

Lumturinë çdo ditë e orë prekim

Kur vjen vdekja askush nuk e di

Ajo vjen njëherë një ditë vetëm

Jetën s'e zbeh e ngjit në përjetësi.