Femi Cakolli: Kadareja në dekadat dhe shekujt që vijnë do i bëjë shërbim edhe më të madh Shqipërisë

Ismail Kadare, prozatori më i njohur shqiptar në botë, shumë herë i emërtuar për çmimin Nobel ndërroi jetë sot në moshën 88 vjeçare. Numri 8 ka kuptimin e ecjes ose lëvizjes së pandërprerë. Kadare do ta lëvizë tutje letërsinë dhe kulturën shqiptare edhe më lart, shumë e shumë më lart sesa në të gjallët e tij.

Si studiues letrar gjithë krijimtarinë e tij e shoh të ndërthurur në tri pika kryekëput kulturore që i ka ngallnue si asnjë tjetër krijues shqiptar dhe si asnjë edhe për një kohë kaq të gjatë:

1. Kultivimi i gjuhës shqipe

2. Mjeshtërimi i letrës me topos nacional të nxjerrë ndërkombëtarisht.

3. Shtrimi, trajtimi dhe formësimi i idesë europianiste në popullin shqiptar dhe dyzimi ynë me Europën.

Kadare na ka ngop me letërsi.

Kadareja në dekadat dhe shekujt që vijnë do i bëjë shërbim edhe më të madh Shqipërisë, shqipes dhe bijve të saj.

Ngushëllime familjarëve, miqve dhe lexuesve dhe çmoj me zemër për shpresën, vizionin dhe orakullsinë e tij.

Pastor Femi Cakolli

1 korrik 2024

Prishtinë, Dardani