Mehmet Musa: Hasan Prishtina qëndro përballë legenave të Prishtinës

Hasan Prishtina qëndro përballë legenave të Prishtinës

Shkruan Mehmet Musa

U mësuam tash e tri vite që nga Kosova jonë e dashur të marim  lajme të zeza e,më të zeza, nuk dëgjon  me njeri për suksese të Republikës s’onë te re, perkundrazi, vetëm urrejtje e përçarje  të shqiptarit nga shqiptari, izolim, shpërngulje e pjesës më vitale të popullit tonë, që nga krahu i punës, shkenca e mjeksija, poshterim e pazhvillim.

Por lajmi që  me erdhi sot, me rrençethi trupin dhe më ktheu  ne kohën kur pushtuesi serb ndermirrte masa antishqiptare, dhe e luftonte çdo personalitet historik shqiptar. Lajmi që disa qarqe nga Universiteti i Kosovës, i pagezuar,e  nen masat e dhunshme nga pushtuesi u emërua si Universiteti i Prishtines,  si atë mot edhe sot e vetquajrura Ministria e Arsimit, e përbërë  me emra shqiptar, paskan ndermarrë  inisiativen t‘ja heqin emrin e të madhit Hasan Prishtina, ideologut tonë kryesor te Kosovës e krejt Shqipërisë, ai qe dha gjithçka per kombin tonë,Ai i cili edhe kur Kosova u aneksua nga Jugosllavia e Karagjorgjëviçëve,u përkujdes me pushkë  e penë, që Kosova jonë ta ruaj të gjallë idenë  e pavaresisë. Ishte Hasani financiuesi i plejadës së parë të shkolluarëve  kosovar në Normalen e Elbasanit e të Shkodrës, Hasani ishte edhe pushka e mendja e çetës  se Azem Bejt Galicës , ai ishte shpirti i pamposhtur i Kosovës së pushtuar, dhe mbeti flamurtar deri ne shpalljën e Pavarësisë  me 2008. E tani pasi rrin si ushtarë besnik përpara duke e mbrojtur  Universitetin të cilin e endërroj  aq shumë, dikujt nga lartëmadhërija ju paska tek ti bejë atentatin e dytë pas atentatit te parë ne Selanik. A thua pse, dhe kujt i pengon emëri  i Hasan Prishtinës, kujt i pengon flamurtari ynë, që ishte dhe mbeti i tillë  per gjithë heronjët e heroinat e Kosovës. A thua do ta lejojë këte njollë të zezë e  këte poshtrim Kosova dhe rinia studentore e saj?

Ju edhe mund ta beni këte turp, sepse siç duket jeni ngarkuar me  mision antishqiptar, po fundi i fundit Kosova jonë ka parë  gjithçka, të zezë në trupin e sajë por,ajo ka ditur të fitojë  gjithmonë kundër të huajve , por edhe kundër antishqiptarëve  shqipfolësa. Kosovës dhe gjithë shqiptarëve të  Shqipërisë nuk do të mundëni  kurrë t‘ia  heqni nga zemra flamurtarin Hasan Prishtina.Po athue ju gjandarr të krajlit ,kurë do ia hiqni emërin e Kadri Zekës Universitetit në Gjilan e ,kurë do ia hiqni emërin e Haxhi Zekës Universitetit në Pejë ? E kurë do e lëshoni në përdorim me ceremoni shtetrore kishën ortodokse që e mbaroj Sllobodan Millosševi?i në pronat e Universitetit Hasan Prishtina? Sepse ai objekt dhunues me siguri nuk ua gërvishë mendjën dhe trurin tuaj aq sa ua gërvishë emëri i Hasan Prishtinës!

He ju mbuloftë turpi siç u ka mbuluar!

Rroftë Universiteti i Kosovës ''Hasan Prishtina''