Bashkim Saliasi: Nëna

Bashkim Saliasi

ZANATI

Zanati ka hilen e vet,

secili ruan një sekret,

është si kyçi me kode,

e përdor në raste komode.

AKREPI

Edhe pse i vogël shumë,

të ngjall tmerr e frikë,

nëse një ditë të pickon,

me vështirësi helmimin kalon.

MORRI

Një ditë morri në një stan,

i futet çobanit nën jorgan,

çobani nga morri shpëtoi,

dogji jorganin me dhe e mbuloi.

SHQIPËRI

Të vegjlit të mbijetojnë, s’është e lehtë,

i kafshojnë pak nga pak të mëdhenjtë,

historia dëshmon, me fakte flet,

u mbijetove shekujve, emri yt mbet.

POPULLI

Populli është një dele e urtë,

e mjelin me votë partitë,

sa marrin pushtetin një ditë,

e rrahin me taksa, i shtrëngojnë burgjitë.

DOBIÇI

40 ditë thonë, dobiçi rri,

sa mëson të flasë e të shohë me sy,

tërë kopenë zë e pi,

fut në sherr fshatin e çdo shtëpi.

KUJTIMET

Kujtimet vijnë heshtur e shtruar,

si uji i burimit ndanë pyllit me gjethe,

kur vapa shtrëngon, e lodhja ka kapluar,

kujtimet të çlodhin, të sjellin në vete.

NËNA

Sa ëmbël tingëllon,

si ylber rrezaton,

tingulli “nënë” simfoni,

nga fëmijëria në pleqëri.

Emri yt, nënë,

është thesar magjiplot,

e thërresim bëhet këngë,

gëzime fal, jetë e mot.

MENDIMET

Lumenjtë dhe mendimet përherë,

më ngjajnë si dy bashkudhëtarë,

lumi në ara bëhet bereqet në verë,

mendimet në letër histori me vlerë.

BEHARI PO VJEN

Çeli kumbulla e pasoi molla,

në bulevard dolën vajzat belholla.

Të lumtura e të gëzuara janë “të tana”,

sikur këtë pranverë lule po çel thana.

Behari po vjen, lajmin kumbulla na sjell,

pranvera e bukur vezullon me plot diell.

Plazhet do gumëzhijnë si kosheret me bletë,

i shijojnë turistët, shqiptarët vajmedet...

2 mars 2024

Redaktor: Muhamet Cenko