Kastriot Dervishi: Një histori me Mirush Kabashin

Mirushin ma ka prezantuar miku im, i ndjeri Fatos Baxhaku, diku rreth vitit 2010. Mirushi interesohej për vendvarrimin e dajës së tij Skënder Çela, i vrarë pa gjyq nga regjimi komunist në Pogradec në vitin 1946. Vite më parë Mirushi kish gjetur në Arkivin e PPSH-së një dokument që hidhte dritë mbi autorët e këtij krimi. Për ironinë më të madhe, sipas tij, nipat e njërit nga vrasësve, figurë publike, këtë dokument e kishin përdorur për të fituar strehim politik jashtë vendit me argumentin se u kërcënohej jeta nga një gjakmarrje e njerëzve të të vrarit. Pas disa muajsh kërkimi munda ta identifikoj si rast. U gëzua tej mase Mirushi. Në mungesë të një mundësie për të bërë një kërkim të plotë, organizoi një ceremoni në Qafë Plloçë për nderimin e dajës së tij, i cili ishte vrarë pa lindur ende ai. Pushofsh në paqe artist dhe njeri i madh!