E diele, 25.02.2024, 08:56 PM (GMT)

Kulturë

Bashkim Saliasi: Bashkëshortja

E enjte, 30.11.2023, 06:38 PM


Vjersha

Bashkim Saliasi

BASHKËSHORTJA

Një det i thellë, i gjerë,

një shpirt plot dallgë,

diell që ngroh e ndriçon,

jeta merr udhë e frymon.

BIONDJA

Një bionde zanë fushe,

ma prishi gjumin e qetë,

u dashurova me bionden,

të sigurt ecëm në jetë.

MËSUESI

Nga duart e mësuesit të mirë,

dalin deputetë, ministra, punëtorë,

kur nxënësit vijnë në pushtet,

tallen me pagën e mësuesit të shkretë ...

BUZË LIQENIT

Në breg të liqenit qëndron,

të afrohem kam frikë se më largon,

nga larg të vështroj, sa vuaj unë e di,

ju dhe kaltërsia më joshni me magji.

VENDLINDJA

Në vendlindje jam përherë,

në çdo stinë dimër e verë,

aty ku buron uji i ftohtë,

bilbili në maj këngës ia thotë.

SHPRESA

Virtyt i njeriut të mire,

që lind bashkë me njerinë,

kur njeriu shpresën humbet,

jetën e vet e vë në siklet …

PLEQËRIA

Vjen ngadalë pa e kuptuar,

humbet dhëmbë e dhëmballë,

si dallgë e vogël shuhet ngadalë,

ndodh ashtu, siç thuhet në përrallë.

RINIA

Prush i fshehur në hi,

djeg e përvëlon lartësi,

aty ku prushi ndizet,

jeta bashkëshortore ngjizet.

TOMORI PROTESTON

S’më përgjunjën shekujt barbarë,

përballova pushtues, stuhi e rrufe,

kjo e ashtuquajtura demokraci më sakatoi,

më zhveshi, me pluhur të bardhë më mbuloi.

Shenim: Redaktuar nga Muhamet Cenko



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora