Albert Habazaj: Hyri prilli dhe “Corona...”

Hyri prilli dhe “Corona...”

Nga Albert Habazaj

Hyri prilli dhe “Corona”

S’po na le,

Qysh është katandisur Vlora,

Si e ve,

Ndihemi si të braktisur

Në fole,

S’ rri dot në kafaz shqiponja,

Jo më ne...

Në esfel vaftë “Corona!”

Mos zënt’ dhè!

Asnjëherë nuk ishte parë,

Ç’bela qe?!

Nëpër botë e shpërndarë,

Si rrufe...

Qoftë ky prill muaj i mbarë,

Moj shqipe!

Iku marsi, s’na pa fare,

Shoqeni!

Një kafe në “Lungomare”,

Motrani!

Të pimë të dymbëdhjetë,

Moj fisnike!

Sa shumë na ka lezet,

Rreze drite...

Dil, o  prill, mes i pranverës,

Dil, ku je?

Mezi rrimë prapa derës,

Presim ne.

Të thurim tingujt e zemrës,

Siç dimë ne!

Të ndezim ballin e skenës,

Moj shqipe!

Vëllai juaj

Albert Habazaj

Vlorë, Ujë i Ftohtë, shtëpi (karantinë stresuese)

E mërkurë, 01.04.2020