Blerim Latifi: Paaftësia gati tridhjetë vjeçare e Shqipërisë për të ndërtuar një sistem demokratik të drejtësisë

Blerim Latifi:

Nuk është tronditës lajmi që regjimi komunist i Shqipërisë ka dënuar me motive politike një fëmi 16 vjeçar, sepse regjimet staliniste të tilla kanë qenë, terroriste në thelb, të pamëshirshme kundër secilit që u ka dalë pengesë, qoftë ai edhe fëmi. Tronditës është fakti se njeriu që ka marrë vendimin për këtë dënim, edhe pas rënies së komunizmit, ka vazhduar të jetë pjesë e institucioneve demokratike, me dekada të tëra. Madje edhe tani që po i shkruajmë këto fjali. Fjala është për Spartak Brahon. Kjo tregon se paaftësia gati tridhjetë vjeçare e Shqipërisë për të ndërtuar një sistem demokratik të drejtësisë, nuk ka të bëj vetëm me korrupsionin e tranzicionit, por edhe me mungesën e pastrimit të institucioneve nga ish funksionarët e regjimit komunist. Sigurisht, edhe në Kosovë nuk qëndrojmë hiç më mirë!