Demir Krasniqi: Dashnim Hajrullahu - kurban i lirisë

DASHNIM HAJRULLAHU – KURBAN I LIRISË

( 1989 – 07.01.2005 )

Zjarr e mall po m’ vlon në gji –

Ta këndoj një elegji !

Për një djalë e kam ujdisë –

Që na e vranë n’ lule të rinisë !

Refreni:

Dashnim Hajrullahu,

O, lulja e rinisë !

Të shpërbleu Allahu –

Kurban të Lirisë !

7 Janar , Dymijë e Pesë ,

Kriminelët e pabesë –

Xhandaria e Serbisë ,

Bëri krim në Rahovicë !

N’ Rahovicë , afër Preshevës –

Tmerroi fshatrat e mbarë trevës !

Krim t’ rëndë bëri mbi shqiptar –

Vrau djaloshin 16 vjeçar !

U vra Dashnim Hajrullahu –

Kriminelët i vraftë Allahu !

Djalë Dashnimin na e vranë –

Pranë kufirit Miratoc – Llojan !

Iu afruan kufirit pranë –

Breshëri plumbash na e vranë !

Breshëri plumbash t’ “kallashnikut” –

Na e vrau dora e armikut !

Pasi e vranë atë djalë shqiptar –

Ia tërhoqën trupin zvarrë !

E afruan afër kufirit –

Për t’ mbuluar gjurmët e krimit !

Me tradhti ia “ndezën qirin” –

Kinse deshi t’ kalojë kufirin !

Për Llojan e Miratoc –

Ia banë shohë plumba çdo koc !

Vranë shqiptarin , atë djalë të ri –

Ia lanë nënën me duar në gji !

Shumë vite kaluan me t’ zi –

Askush nuk dha përgjegjësi !

Para sysh na rrinë Dashnimi –

I përjetshëm qoftë kujtimi !

Këtë vogëlush 16 vjeçar –

Na e vranë ata tradhtarë !

Atyre që vranë Dashnimin –

Zoti i Madh , ua dhëntë dënimin !

Mbi këtë engjëll që kanë qëlluar –

Në Pranverë të pa lulëzuar !

Gjilan, më 08. 01. 2017.   Demir KRASNIQI