Beqir Buzuku: Bar për mbarësi

BEQIR BUZUKU

BAR PËR MBARËSI

Në këtë kohë, kohë të larushive

Shumkush lëngon nga sëmundja e çorodive...

Medoemos do të shpiket ndonjë bar

Ecjes përpara për t’i dhënë kahje të mbarë.

Dhe nga ai bar presim mrekulli

Me të sikur me dorë magjike

Mund të flakët çdo mbrapshti.

Ai bar do të ndikojë mirë në sy

Ju dhuron dritë atdhedashurie

Atyre që gjithçka u duket vetëm zi...

Kemi edhe të tjera mangësi

Koha do gjejë mënyra për t’i zhbi.

Egoizmi, xhelozia, shpifjet, përçarja...

Janë egjër në t’shtetit arë

Duhet për t'i herrur sa më parë.

Nëse te ne s'gjen vend asnjë keqveprim

Shembet rruga që shpie në moqal zymnaje

Dhe hapen shumë shtigje drejt lulnaje...