Përparim Hysi: Shpirtin tim ty ta kam falur

Përparim Hysi

Shpirtin tim ty ta kam falur

Shpirtin tim ty ta kam falur

Por trishtimin nuk ta  jap

Se trishtimi më ka zbardhur

Sa po thinjem pak nga pak.

Shpirti im! Për ty, i gjithi!

Merre, bëj ç'të duash me të!

Por trishtimi është veç imi

Po ta them:- Atë s'ta lë.

Se trishtimi është si mola

Që të bren pak e nga pak

Faqet të kuqet i ka molla

Ndodh që brënda është batak.

Ndaj s'ta lë unë ty trishtimin.

Larg prej teje! Veç gëzim!

Ma dëgjo ti, Përparimin!

O moj mike! Shpirti im !

J O E L A

Sytë e tu si dy liqej ku dua të "zhytem"

Buzët. Eh, çfarë buzësh! Më ndjellin

Në ata liqej, nuk kam frikë se "mbytem"

Se sytë e buzët e tua më këndellin.

Gusha e lëmuar! Mu si gushë pëllumbi

Gjoksi mënd  "bie"( kot mburret Pamela )  *

Falëm, moj mike, në pusulla më humbi

Pamela, po të njihte, do plaste , JOELA!

Trupi i drejtë sikur është kavak

Ke një gjallëri aq e aq tunduese

E humbka pusullën dhe një si unë, plak.

S'kam turp që të them:- Je si një Venuse!

* Pamela Anderson-  e famshme për gjoksin e saj.

"Shiu" i dashurisë

"Shiu" i dashurisë më lag e më bën qullë

Më "lage", më "qulle", o moj e paudhë!

Seç ma lage gjuhën,qullë m'u bënë dhe rrobat

Sikur kishe hapur, të gjithë "autobotat"

Qullur seç ndeh krahët për t'u "tharë" nën rreze

O, moj shiflamosur, "shizjarri" më keshe

Unë kaq u bëra, s'kisha parë "shizjarri"

Dua prapë të më "lagësh"... po pres i "pathari"

Semanjakja

(motiv i vjetër)

Syri yt-blu por bredh tutje-t'hu

Në mua më kërkon, ja,tek jam: këtu!

Në mban ulur kokën (gjasme, mua s'më sheh?!)

Unë s'ta ndaj syrin... dhe e di: përse?

Se nga po kalon,sikur bie tërmet

Syri vigjëlon se jam pak sherret

I shpejton dhe hapat si mëze pa fre

Po unë nuk të lë ( të "hashë" hergjele)

Se të hedh mëgojzën, moj mëze e hazdisur

Dhe,pa gjejmë dhe "shtrojzën", të dy kokolizur...

Tiranë,  15 prill   2014