Drita Nikoliqi Binaj: O politikanë

Drita Nikoliqi Binaj

 

O POLITIKANË

 

Padrejtësitë, pakënaqësitë,

mosrespekti

për Ata që dhanë

atë më të shtrenjtën:

jetën e bekuar.

 

Shqetsimet, njëri pas tjetrit

derdhen në zemrat tona

shpërthejnë si vullkan

se tjetër jetë s'kanë.

 

Ah tokat e lëna djerrë,

shpirtërat e mbushura me vrerë

me hidhërim të pelintë

u mbush kupa nga zhgënjimi

se popullit po i del tymi.

 

Garë e besimit politik

një garë civilizuse me fjalime,

me debate, shprehje e parime,

ide, kritika, platforma, justifikime,

akuza, fyerje, mashtrime e betime,

lavdata, mburrje me heroizëm,

plot atdhedashuri,

klithje me patriotizëm.

 

"Triumf për shqiptarizëm"

për heroizmin flitni pa pra

e harruat të gjallët e lirisë

në mjerim të skamjes sa s'ka

e dëshmorët që n'luftë kanë ra.

 

O liderë, gjeni prehje te Maksim Gorki

në definicionin e moralshëm

me meditim dhe kuptim kur thot:

"Unë jam bota,

bota është populli.

Çdo njeri është një qelizë e organizmit tim.

 

Po ta lëndojnë atë,

mua më dhemb,

po ta fyejn atë,

mua më therr në shpirt,

dhe nuk mund të rri indifferent."

 

Shpresat e këtij populli

mos i minimizo,

mos i gjunjëzo dhe mos i mjero.

Mos gjeni prehje

në të shtrembtën politikë

me shkopin magjik të idiotizmit

për t’u pasuruar duke u korruptuar,

për të mashtruar, shantazhuar

me paturpësi duke na privuar

nga e drejta jonë e legjitimuar.

 

Deri kur të luftojnë

të kalamendur nga uria e papunësia

traditë ndëshkimi varfëria

thuase është bërë shkencë

të luftojnë për ekzistencë.

 

Në këtë acar dimri

me fytyra të zbehura

të strukur, të trishtuar

presin të vijë Pranvera.

 

Ata që do të vijnë pas jush

do të shohin si u dënua drejtësia

e u shpërblye padrejtësia.

Si u përmbys zgjuarësia

duke u bërë viktimë e arrogancës

për t'i brohoritur injorancës.

 

Mjaftë me koncesione e marrëveshje,

pa kërkuar falje për krime,

kriminelët gjakpirës me tamtame

për helmimin e tokës Dardane.

 

Frigohuni mallkimit të heshtur

të fëmijëve për etërit e tyre,

nënave për bijtë e bijat e tyre,

grave të dhunuara e masakruara.

 

Do ju vijnë në ëndërr

klithjet e heronjëve atdhedashës

që derdhën gjak e dhanë jetën,

ku vajti vaji i shqiptarëve

ku janë ëndrrat e luftëtarëve

që luftuan e në liri besuan.

 

E mallkuar qoftë politika

e terminologjisë që shkakton

mundim në shqiptim e kuptim!

Mos na mashtroni me belbëzim

me fjalët e huazuara nga gjuhë e huaj

mos e ndëshkoni veten me mallkim!