Demir Krasniqi: Nuk po di mirë me fol shqip

NUK PO DI MIRË  ME FOL SHQIP

-Parodi humoristike –

M’ ka rritë nëna n’ bukë me krip –

Nuk  po di mirë me fol  shqip ?!

Shqip jetoj e shqip punoj  ,

Shqip po flas, por s’po kuptoj ?!

Unë e di  ç’ është Picimuli ,

Por  nuk  di  ç’ është KURI KULI  ?!

Unë e di çka është  injoranca ,

Por  nuk  di ç’ është MAZHURANCA  ?!

Unë e di  ç’  është  ambulanca ,

Por s’ di ç’ është INTERPELANCA  ?!

Unë e di çka është përsheshi  ,

Por  nuk  di se çka është FLESHI ?!

Unë e di se çka është busti ,

Por  nuk  di se çka është TRUSTI ?!

Unë e di  çka  është  qiellori ,

Por  nuk  di  ç’ është BAÇELLORI ?!

Unë e di  ç’ është fllomasteri ,

Por  nuk  di çka është MASTERI ?!

Unë di ç’ është qumështi  i dhive ,

Por nuk di se çka është LIVE ?!

Unë e di  çka  është akordi ,

Por nuk di se çka është BORDI ?!

Unë e di kush është Zeneli ,

Por  nuk  di  kush është PANELI ?!

Unë e di  ç’ është marifeti ,

Por s’di  ç’ është MINORITETI ?!

Unë e di se ç’ është zhaveli ,

Por  nuk  di  ç’ është TOP ÇANELLI ?!

Unë e di se çka është falsi  ,

Por  nuk  di se çka është FANSI ?!

Unë e di çka është abej ,

Por  nuk  di çka është OKEJ ?!

Unë e di çka është belbëzimi ,

Por s’ di ç’ është LIBERALIZIMI ?!

Unë e di se çka është kriza ,

Por nuk di se çka është VIZA ?!

Unë e di çka është përgjimi ,

Por  s’di  ç’ është INVESTIGIMI ?!

Unë e di  çka  është vikendi ,

Por nuk di se çka është BENDI ?!

Unë e di ç’ është aeroplani ,

Por nuk di ç’ është ANDERLLAJNI ?!

Unë e di çka është  kokarda ,

Por  nuk  di ç’ është  BADI GARDA ?!

Unë e di se çka është ringu ,

Por nuk di çka është SHOPINGU ?!

Unë e di çka është mitingu ,

Por nuk di çka është BRIFINGU ?!

Unë e di çka është bagllama ,

Por nuk di çka është BIG MAMA ?!

Unë e di çka është astari ,

Por nuk di çka është BIG STARI ?!

Gjilan, më 09.02.2014.          Demir KRASNIQI