Satira nga Nebi Dragoti

NEBI DRAGOTI

 

RILINDJA VJEN

 

Ja Rilindja,Rilindja vjen

në ecjen tonë ritmon refren…

 

Rilindja e re për demokraci,

por ka:s’e pëlqejnë ca turinjë.

 

Ja,bën apel Rilindja e re:

Rilindja e dytë është për ne…

 

S’duan dallkaukë,urithë,çakenjë,

po Rilindja ecën,Rilindja vjen…

 

Populli e kërkon,kushdo ta dijë,

ne s’na prishin punë ca me turinjë…

 

Paçka që shikojnë me përçmim,

Rilindja duket si diell në agim.

 

 

ATA

 

Ata

flenë me korrupsionin

dhe me korrupsionin

të tërbuar

zgjohen…

 

Nuk pranojnë

që qenë ata

që lulëzuan korrupsionin,

siç s’pranojnë

që ne

korrupsionin të luftojmë!

 

Ne

i mundëm ata

me votën popullore…

Ata fajsojnë

Popullin

që nuk u dha votën

të bëjnë siç bënë,

të shijnë siç duan…

 

Fajësojnë dhe Demokracinë,

e duan:

alla demokraci pylli.

 

Si bëjnë ujqërit

mbi dëborë,

në cingërimë

me delet:

të shqyjnë duan shoqërinë!

 

 

DREJTËSI ALIBIKE

 

Vetë e hutuar,

vetë e korruptuar;

shihet qart:

i janë futur ngusht

këmbët në një këpucë.

 

S’ka më referencë,

përkushtim,

drejtësi s’ bëjnë më,

këta

s’bëjnë më

për drejtësi,

vetërënie ka

(zi e më zi).

Vetë

Drejtësia në alibi.

 

 

EPIGRAMË

 

I rrëzuari

bërtet,

se e rrëzuan kot…

Shkau nga mendja…

Nga këmbët shkau…

Shkau nga veprat

gjithë llohë!

Çirret,

çirret si idiot.

 

 

PINOKU HUNDËPRERË

 

E ngrinte,

e zgjaste,

e  tundte

hundën qyrrashe

Pinok politikani…

 

Ç’e do,

këtë herë

ia prenë

si me sharrë.

Në histori mbetet

Pinoku hundëprerë.

 

 

RROTACIONI

 

Rrotë e rrotacionit

me ndryshkje

ka kërkëllitur korrupsion…

 

Kërkëlitja e korrupsionit

me zëra të çjerrë,

me erë të pështirë

kërkon lyerje të rrotës

me graso:

zbatim ligjshmërie,

për shkelësit

ndëshkim

me privim lirie…

 

 

PLAS NË MARAZ

 

Po plas në maraz!

Ka zili

majtas simbolikën:

mavi,

rozë,

e kuqe gjak;

pa të

zemra s’punon!

Ti plas në maraz!...

 

Populli jep vulën,

të vulos (…)

a ta vulos…

Koha është e popullit,

Populli të fundos!

 

Je në hall

me zemër të zezë,

kredhur në ligësi,

në kriminalitet.

Bërtet,

Llomotit në çmenduri,

lumi të merr,

të kredh në det.

 

2013.