Eroll Sejdiu: Probleme gjuhësore në Preshevë

PROBLEME GJUHËSORE NË SHKOLLAT E PRESHEVËS ME RRETHINË

Nga Eroll B. Sejdiu - Albanolog

 Është shqetësues fakti se në shkollat tona , si në evidencë dhe në dokumentacione , nuk i kushtojnë fare rëndësi drejtshkrimit të gjuhës sonë standarde. Po i vë në dukje disa nga ato gabime që vetë i kam parë në dhënien e formularëve publikë dhe raporteve të tjera.

 Realizimi i plan-programit mësimorë dhe formave tjera-Duhet: Realizimi i planit dhe programit mësimor si dhe formave të tjera.

 Kriteriumi i notimit të nxënësve- Kriteret e vlerësimit të suksesit të nxënësve.

 Pasqyra tabelare- Pasqyra tabelore.

 Proçes- verbal- Procesverbal.

 Mjetet audio-vizuele – Mjetet audio-vizuale.

 Të regjistruar, meshkuj, femra, pozitiv ,negativ etj.- Të regjistruar, vajza, djem, me sukses pozitiv, me sukses negativ etj.

 Masat e marrura për të përmisuar suksesin- Masat e marra për të përmirësuar suksesin.

 Kontrollimi i mungesave, disciplinës dhe vijimit të nxënësve- Kontrollimi i mungesave, i disiplinës dhe i vijimit të nxënësve.

 Drejtoria e shkollës i dëshiron nxënësve dhe arsimtarëve pushim të këndëshëm- Drejtoria e shkollës u dëshiron nxënësve dhe arsimtarëve pushim të këndshëm.

 Lajmrim – Lajmërim

 Njohtim- Njoftim

 Të nderuar nxënës...- Të dashur nxënës...

 Njohtohen nxënësit dhe arsimtarët...- Njoftohen nxënësit dhe arsimtarët...

 Realizus i planë- programës mësimorë– Realizues i planit dhe programit mësimor.

 Historiografija e kohës- Historiografia e kohës.

 Spjegim i mësimit- Shpjegim i mësimit.

 Përmisimi i provimit të katërtë- Përmirësimi i provimit të katërt.

 Vetit e botës së gjallë- Vetitë e botës së gjallë.

 Me materjale të ndryshme- Me materiale të ndryshme.

 Gurve , maleve dhe shkëmbive- Gurëve, maleve dhe shkëmbinjve.

 Lumejt , liqejt dhe detrat - Lumenjtë , liqenet dhe detet.

 Fotosinteza- proçes jetsorë- Fotosinteza- proces jetësor.

 Familja- faktorë me rëndësi në edukimin e fëmiut- Familja-faktor i rëndësishëm në edukimin e fëmijës.

 Hidrogjeni vetit e tij dhe përdorimi- Hidrogjeni- vetitë e tij dhe përdorimi.

 Basketbollë- ndalimet në basketbollë- Basketboll- ndalimet në basketboll.

 Ndarja teritoriale e Relievit- Ndarja territoriale e relievit.

 Njësija qëndrore- Njësia qendrore.

 Pozita e fëmiut në shoqërin moderne- Pozita e fëmijës në shoqërinë moderne.

 Starti i ultë- Starti i ulët.

 Mardhanjet e organizmave në mjedisin jetsor- Marrëdhëniet e organizmave në mjedisin jetësor.

 Funksioni zerro- Funksioni zero.

 Sërbia dhe Mali Zi në luftën e parë botnore- Serbia dhe Mali i Zi në Luftën e Parë Botërore.

 Materjalet elektroteknike dhe instalimi i energjis elektrike- Materialet elektroteknike dhe instalimi i energjisë elektrike.

 Vijimi i nxënësve në shkollë është i rregulltë, por diciplina, sjellja e tyre duhet të përmisohet- Vijimi i nxënësve në mësim është i rregullt, ndërsa sjellja dhe disiplina e tyre, kërkon përmirësim.