Thanas Todhe: Endëra ime

Thanas Todhe

ENDERA IME

Endëra ime

Endur si re e bardhë kontinenteve

Nuk gjete kurrë qetësi

Dikur ngjitur brezareve pa kuptim

Brezaret nuk donin ëndëra

Brezaret kërkonin lodhje

                           mundim

Si tis i hollë Rivjerës së lakmuar

Po detin nuk e pe...e as të pa

Rivjera kërkonte lluks..

                     lluks edhe para

Zvarritur maleve erë trëndelinë

(Po kë nuk dehu kjo aromë)

Malet janë fyer e

                     turpshëm ulin kokën

I le për jetë më të mirë.

Endëra ime e bardhë

Sa larg ke shkuar?

Nuk po të shoh,

                      nuk po të shoh

Më thanë ke zbritur horizontesh mavi

Mpleksur demonësh sterrë si nata

Mes zhelesh,smogut

Qytetesh zhurmë plot

Më thanë ke humbur bardhësi

Më thanë po tretesh nëpër botë..

Ashtu u duket ,miqt' e mi

S'është ëndëra ime

                  kini gabuar

Të tjera re stisin shtërngatën

Të errëtat re sjellin stuhi

               Kini gabuar miqt'e mi

Kokën mbështetur mbi jastëk

Si gur fytyra zbardh

Me sy të ngrirë vështroj në lartësi

Tek ëndra e bardhë kërkoj  pak qetësi

Të shuhem dua atje lart

Horizonteve  Globit kalëruar

Mbi retë e bardha përjetësisht

Mbi ëndrën e pa realizuar.