E enjte, 29.02.2024, 10:39 PM (GMT)

Kulturë

Poezi nga Neki Lulaj

E marte, 28.02.2012, 07:55 PM


Neki Lulaj

 

 

LIS SHEKULLI

 

Shekulli e mbëltoi lisin

Duke ikur

Dhe e ujiti

Me lotin e dëshprimeve

Mbi lëmashkun e urrejtjes

Me frymëmarrjen e vuajtjeve.

 

E lisi i urrejtjes

Homofobike

Mëria

Ndaj të tjerëve

Ka rritur shtatin

E xhelozisë

Deri mbi qiell

E hijen e ka lëshuar

Aq të madhe

Dhe aq të gjerë.

 

Zogut hyjnor

I duhet

Një shekull drite

Me bekime biblike

Që të kalojë

Në anën tjetër të planetit

Për ta zbutur urrejtjen

E këtyre dekadave

Të strukura në kotarin

E mijëvjeçarit të dashurisë.

 

 

MALL PRINDI

 

Motet i matëm

Me masën e përmallimit

Ndarja tërmet

I pa dëshirueshëm

Me lot

U mbushën lumenjtë

Me shijen e padurimit

Për ta përkëdhekur

E kërkuam muzën.

 

Takimet e përsëritura

Me padurim i pritëm

Fjalët nëpër ajër

Vetëtimë jete -

Fluturim e bubullimë

Ëndrrat e rinisë

Na i grabit pleqëria

I mashtron parajsa

Që kurrë mos të thonë

Se na kaploi gjumi.

 

 

DERA E HAPUR

 

Fytyrë rrudhur

Si harta e trojeve

Të mikpritjes

E ballin me rrudha

Si shkallët e qiellit

Derën e kullës dardane

E lente të hapur

Duke shpresuar

Se një natë

Do të kthehet Ylberi.

 

Të kthehet nga robëria

Nata s`ka ispatë

Nuk i qet dëshimtarët

I mban të ngujuar

Në kthetrat e mëkatit

Që falet e s’falet.

 

Shtretërit e shtruar

Mbrëmejeve të vona

Ne odë të burrave

Postaqi, jastëqe e jorganë

Erëtimë jargavanësh

Tejmatanë dritaresh

Murmurimë mes dhembëve

Derën e hapur

Le te kthehet

I miri i babes!

 

Lodhja nuk ka vade

Mikpritja nuk ka lodhje

Le të pushojë thot baba

Ne shtratin e shtruar

Me bekimin

E zanave të shtëpisë.

 

Plaku fytyrë rrudhur

Si harta e trojeve

Të shkëputura

Nga trungu i Atdheut

E ballin si shkallë qielli

Deri në vdekje

E shtroi shtratin

E Ylberi nuk u kthye

Ta bëjë gjumin sërish

Në shtratin e babës.



(Vota: 15 . Mesatare: 4/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora