Thani Naqo: Kaçakshe

Thani Naqo

KAÇAKSHE

Kaçak kam mbetur. Kaçakshe po vij,

Natës pa hënë ja gjej shtegun symbyllur.

Duk-duk rreh zemra nën gunën gri,

Kaçakshe të rrëmbej dashurinë e kyçur.

Ronitur s’jam. As pemë e plakur,

Gdhënj në krahë, në këmbë dhe gjoks.

Drenusha ime!  Un’ bripërflakur,

Shtëpinë e dhirtë shëtis mbi Tok’

Tëposhtë do shtyj, që nga korija,

Mjegulla e dendur të bjerë mbi fshat.

Le të lehin e skërmiten e gjithë qenëria:

Ky është ujk ose, kaçak!

Kaçakshe dua të dalish dhe ti,

Nuselalë-hijoshe nga strehë a, portë.

Nën gunën ngjyrë mjegulle të behemi dy,

Kaçakshe të ikim diku nëpër botë.

2012