Dibran Demaku: Varkë e braktisur

Dibran Demaku

VARKË E BRAKTISUR

Kosovë krenare me halle shumë

Ke mbetur si varkë e braktisur në lumë

Valët e tërbuara të lumit

Po ta shkatërrojnë ëndrrën e gjumit

Bijtë e tu që i bëre këmbë e dorë

Sikur e kanë humbur rrugën në oborr

Dikush thumbit dikush patkoit

E vendi lëkundet si gjethe e ftoit

Armikut tënd shumëshekullor

Po i buzëqeshin po i japin dorë

Po fryejnë ca erëra të tërbuara

Sërish po kthehet e kaluara

Të gjithë mendam se vendi ka zot

Dhe s`ka furtunë që do ta lot

Vendi e ka një kryeministër

Që shet shpeshëherë gogla për misër

Shpesh nxitohet e shpeshëherë rend

Shpërndan premtime vend e pa vend

“Fleni dathë e mos keni frikë

s`ka kush që e largon termin-Republikë

Ju garantoj unë varg e vistër

Ju që më zgjodhët Kryeministër”

Si në filma artistik të stilit rozë

Na pësoi Kryeministri metamorfozë

Atë që e deklaroi dhjetë ditë më parë

E fshiu si me gomë e sërish krenar

Me trimëri dhe pa asnjë frikë

E eliminoi termin Republikë

Kështu tha po dëshiron bota

Të rrojë Kosova me fusnota?!

Ani çka që i vumë ca fusnota

Ajo s`lëvizte e ne i vumë rrota

Tash Kosova lëvizë sipas qejfit

E ne kërcejmë e i bijmë Defit

Dhe Rezolutën dymbëdhjetë dyzetekatër

E pranuam nga zori s`e pranuam me hatër

Në katër vjetorin e Pavarësisë

Duhet të ia bënim pak qejfin Serbisë

Prandaj o popull dëgjo merr vesh

Tash kompromise do bëjmë më shpesh

Ne e kemi një zëvendëskryeministreshë

Që fjala s`i ka aspak peshë

Është Edita si rreze e diellit

Na hedh fluska bore prej qiellit

Edhe më krenare se vetë i Pari

Thotë këto fluska do i shkrijë behari

Veçse behari mund të vonojë

E Edita të mbetet me gishta në gojë

Ca “xhevahirë” i nxori dhe akademik Qosja

Veç kujdestare është Vetvendosja

Do bëjë protesta dhe demonstrata

Do marrë ndëshkime a dekorata?!

Kosovë krenare me halle shumë

Ke mbetur si varkë e braktisur në lumë…