Rrustem Geci: Ugari për lirinë

Rrustem Geci 

 

Ugari për lirinë

 

 - poemë  për Azem Galicën

  

Që nga  shqiptarët e lashtë

 

deri  te  shqiptarët e sotëm

 

ne  kemi   këtë  dhé  atdhé

 

dhe   këtë    tokë   për   liri

 

 

 

( Truallit epik të Drenicës

 

lind   guri   edhe   druri

 

lindin fëmijë të kësaj toke

 

ëndërrat   më   sublime!..)

 

 

 

Liria  nuk ka  zëvëndësim

 

ajo rrënjët  i  ka  të  thella

 

në gjakun e 100 shekujve

 

në  gjithsecilin  prej  nesh

 

 

 

Në  ugaret  tona   për  liri

 

lavdi   atyre  që  ranë  dje

 

lavdi  atyre   që  bien  sot

 

lavdi të rënëve të pa rënë

 

 

 

 

 

2

 

-----------------------------

 

 

 

Luftën që  unë e drejtoj

 

Kosovën e  bën mëvete

 

Kosovën   e  bën të lirë

 

Shqipëri të  pandashme

 

 

 

Bashkëluftëtarë   të  mi

 

Kosova  i  ka  të  gjitha

 

Mençurinë e së tashmes

 

guximin  e  së ardhmes

 

 

 

Shokë  të  mi  të  luftës

 

detyrat bëni  gjithsecili

 

kujdes me të plagosurit

 

lufta   s´ bën  të  ndalet

 

 

 

Jo  o  Azem  Galica, jo

 

Shpellën  e  Çukës e di

 

Aty  do  prehemi   qetë

 

Komandantët  e  luftës

 

 

 

3

 

-----------------------------

 

 

 

Shkretimi   më  i  madh

 

që   i   bie   një   populli

 

dhe që ia  merr  frymën

 

janë pushtimet  e  huaja

 

 

 

Në ugarin  e  kësaj lufte

 

Shprehet   Ahmet  Delia

 

ne  bëjmë  detyrën  tonë

 

për vete dhe  për  brezat

 

 

 

Kosova  i  ka   të  gjitha

 

pasuritë   dhe   kulturën

 

Draftin e Azem Galicës

 

për  Kosovën   Shqipëri

 

 

 

Ku e kam Dardaneshën

 

trimen   e   Radishevës

 

ma thirrni  këtu Shotën

 

se  dua   të   flas  me  të

 

 

 

4

 

--------------------------------

 

 

 

Kosova na do  të gjithëve

 

ajo na  don  të   bashkuar

 

Arbërinë  tonë   të  vogël

 

ta bëjmë Arbëri të madhe

 

 

 

Në gjeopolitikën  globale

 

Kosova ka historinë e saj

 

gjuhën nga më  të  lashtat

 

shkronjat nga më të shkruarat

 

 

 

Në 10  mijë vjet pellazgji

 

dhe në tre  mijë  vjet  Iliri

 

Kosova  i   ka  100  lufta

 

dhe rreth 200 kryengritje

 

 

 

Me  ugarin  e  kësaj lufte

 

ne i bëjmë nder Kosovës

 

se  luftën   e   gjithsecilit

 

liria  e  bën  të  dukshme

 

 

 

5

 

-------------------------------

 

 

 

Shotë, prijë  luftës trime

 

me trimat të jesh bashkë

 

na  duhen   shumë   duar

 

na  duhen  shumë   armë

 

 

 

Miq ,   shokë ,   luftëtarë

 

liria   s´ ka   zëvendësim

 

nëse plaga  m´keqësohet

 

më  hidhni  në   greminë

 

 

 

Kosova  i   ka   të  gjitha

 

njerëzit  që   atë  e  duan

 

Se kjo  tokë  e  Kosovës

 

Shqipëri  është  për  jetë

 

 

 

Kosovë   e   pushkës  së

 

madhe, fshija gjakun diellit

 

Eshtërat  ne  i  mbjellim

 

Sa herë toka  na  shkilet

 

 

 

6

 

-------------------------------

 

 

 

Prej qëmoti  është  thënë

 

liria  është  tepër  e kuqe

 

të kuqtë e saj  prej gjaku

 

s´ka alkimi  që  ta  fshijë

 

 

 

Fol  Azem   Galica,   fol

 

nuk  do  të  vdesësh tani

 

nga  Shpella   e  Çukave

 

do  prijsh  si në legjendë

 

 

 

S´ jam  luftëtarë   i  vonë

 

as  mosha  s´më  ikur, jo

 

damarët i kam  plot gjak

 

po një plumb m´ka zënë

 

 

 

Nuk vdesë Azem Galica

 

të gjithë do  të  punojmë

 

që   Kosova   të  çlirohet

 

me duart  më  të  bukura

 

 

 

7

 

------------------------------

 

 

 

Kosovë, e  bukura arbrit

 

Ec  me   pikën  e  gjakut

 

Që  Ushtri  e  Serbit ,  të

 

Mos kthehet  kurrë këtej

 

 

 

Në  të  mbjellat  e  gjakut

 

Kosova  ka  plot   histori

 

beteja nga më të ndryshmet

 

dhe  përvojë   me  burgje

 

 

 

Nën  qiellin  e  Drenicës

 

ku nis zemër  e  Evropës

 

Kosova  i  ka   të  gjitha

 

qytetin, fshatin, tërësinë

 

 

 

Flamur  ynë s´rron në zi

 

as   Kosova   nën   Serbi

 

këtë  shqipe   në  flamur

 

e  ka vu trimi  në  Krujë

 

 

 

8

 

----------------------------------

 

 

 

Ku  je  o  Ahmet Delia, fol

 

pse  heshtë,  pse   nuk  flet

 

gjak m´ka rënë në thembër

 

po luftën s´ bën  ta  ndalim

 

 

 

Një jetë i mora dritë diellit

 

një jetë i mora  gjak hënës

 

që   prushin   e  vetëqenies

 

ta   ruajmë    tek  githsecili

 

 

 

Këtë tokë  me  shumë flori

 

me  bimëra  dhe me  pemë

 

s´mund  ta  lë   pa  e  uruar

 

as  në  këtë  çast  me plagë

 

 

 

Këtë dhé atdhé të Kosovës

 

e  dua s´i e do  ujku  malin

 

si e do bima ajrin,dhe kam

 

gjak të bukës  së  Kosovës

 

 

 

9

 

---------------------------------

 

 

 

Vullnetit tuaj  unë i besoj

 

paqe  pa  liri mos pranoni

 

se   paqja   pa   liri   është

 

më e rëndë  se  çdo   luftë

 

 

 

Odat tona kudo janë plotë

 

për  secilën   betejë   flitet

 

varfëria  na  ka ligështuar

 

shumë  kemi  të  arrestuar

 

 

 

E kaluara më nuk kthehet

 

e sotmja  do  gjakun  tonë

 

plumbi ndiqet  me krisma

 

lufta përcillen  me jehonë

 

 

 

Sukseset s´janë  të  vogla

 

kujtoj,  o   Azem  Galica

 

sot  po u  biem  burgjeve

 

t´i  çlirojmë  shokët  tanë

 

 

 

 

 

10

 

---------------------------------

 

 

 

Shumë  ëndërra  e  mëtime

 

në  gjoks   më   copëtohen

 

dhe mendja m´i shkund,si

 

gjethet e plepit  në vjeshtë

 

 

 

Shokë  të   luftës  e idealit

 

kjo  plagë   po    më   vret

 

armiku   s´ bën    ta    dijë

 

në  ç´vend   prehem   unë

 

 

 

Kosovë  e  Azem  Galicës

 

Shqipëri e Ismail  Qemali

 

liria   kudo    kullon   gjak

 

e  lufta  të  reja  po  hapen

 

 

 

Midis  ëndrrave  e  varreve

 

nuk ka  një  fund të luftës

 

të   gjithë    bëjmë   pyetje

 

po liria  s´ka  zëvendësim

 

 

 

11

 

-----------------------------

 

 

 

Toka sot më pëshpëriti

 

këtu bëhet shumë luftë

 

jemi në ugarin e luftës

 

Arbëri e vogël  mbahu

 

 

 

Këtu  jemi, gjallë  jemi

 

më mbaj  dhe  të  mbaj

 

aq sa  i  japim  çlirimit

 

aq  i  marrim  të  mirës

 

 

 

Në  këtë  luftë  për  liri

 

trimat  tanë   janë  gati

 

të vdesin  në  çdo  çast

 

ti  dalin   zot  Kosovës

 

 

 

Kosovë,  njih  vetveten

 

shkronjat  i  ke  të  arta

 

liria  s´ ka  zëvëndësim

 

i fliste kujtesa mendjes

 

 

 

12

 

--------------------------------

 

 

 

Në  kuvende  të   trimave

 

ku  dëgjojnë  edhe  malet

 

burrat në flamur betohen

 

që ti dalin zot Shqipërisë

 

 

 

Gjakun e derdhur për liri

 

koha  vetë  do   ta   ruajë

 

për   të    gjithë   martirët

 

që  Kosova  i   ka  dhënë

 

 

 

Rrofsh  o  Azem  Galica

 

Luftën t´i vetë e zgjedhe

 

Për liri  të  Kosovës, dhe

 

për   liri   të   Shqipërisë

 

 

 

Në  draftin e luftës sonë

 

Kosova  është  Shqipëri

 

më  pak   se   këta  kufij

 

në  luftë  jemi  gjithënjë

 

 

 

13

 

---------------------------------

 

 

 

Kjo tokë na do të gjithëve

 

ajo  na donë  të  bashkuar

 

që  Arbërinë  tonë e vogël

 

ta bëjmë Arbëri  të madhe

 

 

 

Bashkëluftëtarë   të  lirisë

 

amanet  unë  ua  lë  luftën

 

se  Kosova   ka   aq   gjak

 

Kosovën   për  ta   çliruar

 

 

 

Kjo  tokë  i  ka   të  gjitha

 

qytetin ,   fshatin,    lagjet

 

fushat  me  grurë  e misër

 

dhe   kopështet   me   lule

 

 

 

14

 

-------------------------------

 

 

 

Kosovë e dyzet  luftërave

 

pushkën   shtrëngoje  fort

 

që Serbia të  mos kthehet

 

kurrë   më    në    Kosovë

 

 

 

Koha është  të  veprojmë

 

të organizohemi më mirë

 

“naqellnikat”  e burgjeve

 

t´ia vrasim  një  nga   një

 

 

 

Rrofsh  o   Azem   Galica

 

urdhëri yt  është i shenjtë

 

në   këtë   ugar   të  luftës

 

liria nuk  ka  zëvendësim

 

 

 

Plotë lavdi është Kosova

 

dhe  heroizma  martirësh

 

jeta    mbetet    e    bukur

 

aq sa është  edhe  vdekja!..