Demir Krasniqi: Gjilani i bukur

Demir KRASNIQI

GJILANI  I BUKUR

N’ zemrën time  vorbull  një dëshirë më vlon  –

T ’ia  këndoi Gjilanit , këngën  që e madhëron ,

Me vargje t’ poetit , me zë  të bylbylit ,

Me aromë të blirit , me ngjyrë të zymbylit!...

Gjilani i bukur  – qytet legjendarë ,

Është djepi i trimave – bijve  atdhetarë ,

Është djep i kulturës – dritë e dijetarë   ,

Është djep i arsimit  - mbushur me shkollarë  ...

Kënga  ime e shpirtit ,  shpërthen si vullkani ,

S’ ma rrëmben stuhia ,  jo as uragani ,

S’ mund ta  ftohë  veriu , as kur frynë  murrlani ,

Qyteti ma i  dashur , për mua është Gjilani !

I  kujtoj kalldrëmet mbushë vajza të hjeshme –

Kur shkonin me kënata për t’ mbushë ujë në çeshme !...

Më vrisnin me vetulla , m’ shponin  me qepalle ,

Më trokisnin n’ zemër kah ecnin me nalle !

I përkujtoj korzotë dhe rininë shkollore ,

Takimet e t’ rinjve nëpër ëmbëltore ...

Ëmbëltorja e famshme  quhej “Skënderbeu” –

Ku  një vajzë e bukur , zemrën ma rrëmbeu !...

Dyqane zejtarësh  buzë lumit t’ Mirushës –

Furrat e bukëpjekësve , aroma  e bukës !...

Plot me sylynjarë  rridhte  shatërvani  –

Se ku është Gjilani – aty është vatani !

Gjilan, më 12.10.2011.