Kulturë
At Pjetër Mëshkalla: Nanë, ktheju!
E shtune, 15.10.2011, 04:59 PM
At Pjetër Mëshkalla S.J.
NANË, KTHEJU !
Si shkambi n’për rrymë të shekujve,
muret qendrojnë jetike
ngulun për rranzë thëmeleve,
të Rozafës sonë Kreshnike.
Dhe sot, që, féja nipave
shpresët e të Parëve ndritoi,
lè të shkruhet mbi ballë të mureve:
“Nanës, që na vorfnoi!”.
Njâsaj, që’i ditë prej sulmeve
të Kulçedrës me shtatë krena,
na u bâ mburojë e, të nêmuna
s’duroi t’i shohë këto dhena.
Njasajë... por vaj, na fajeve
në verbim s’u vume cak
e Nanës iu randue zemra,
iku edh’e la këte prak!
O ju, që parzme hekuri
luftuet për bésë e fé,
idhtë tue valvitun Flamurin,
shenjtnue me gjak e bé,
zgjonju nën rrasa të heshtuna,
ngrihnju me pa mjerim!
Ndihma e Arbënisë, e Pamposhtuna
ç’u ba?... Si drita u shkim!!..
-me gjâmë kah thrret Shqipënia,-
s’do të ndrisë, si ndriti moteve
përbrinjë Rozafës...M A R I A ?!
Tepër lënguem këso shtigjeve
si fëmija mbetë pa nanë,
për né ma dritë nuk lëshuene
as hyj, as diell, as hanë!
pa shpresë do të rrijmë e të presim?
do të ngeli, në terr kah dënesim?!
Jo, jo! Pse qiellëve të epëra
Zoti me dorë të vet
ka shkrue: “
e, Zoja e Shkodrës së vet !”.
Qé, ké ato mure të ndrituna,
-zemra m’a ndiën, -qé’i zani
Një populli në hov të galdimave,
tue brohoritë: “O ngâni!...
Ktheu, N A N A !” O, ditë ma e bukra
që Arbënia prét, ago!
Nanë ktheju, e, në mburoje të hireve
në fé shënjte na vëllazno!
Shkodër, 1927.
Shenim: Paraqitja grafike nga Fritz Radovani, në 100 vjetorin e lindjes së At Mëshkallës (2011)