Përparim Hysi: Poezi lirike

Përparim Hysi

Poezi lirike

Kurbatka      

E pashë kurbatkën tek një çadër buzëlumi

E pashë unë atë dhe mëndja më humbi.

Si të mos më humb? Ta shihnit si ishte

Një sy të madh,të zi,por ç'qepallë që kishte?!

Ma bëri sa me sy, aq dhe me qepallë

Sa ika nga mëndja dhe mora prrallë.

Ke parë dhe noksania,nuk e hëngri "thatë"

Por fshehurazi tek shelgjishta më erdhi ndajnatë.

Por ç'ndodhi,do thoni,në atë çast fshehurie

Jo.Nuk tregoj.Ç'më pandehni?"Hafije?!!!"

Për kuriozët e sëmurë,po them vetëm:kaq!

Ka ndodhur dikur...po pse e kërkoj prapë?!...

Letër për një mike

Zgjuar je,moj jargavane?Zgjuar jam dhe unë

Pa ty,mëndja në alarme,sa më zë me shkumë

Mëndja doli nga burgjia,ka marrë arratinë

Edhe mbrin tek dashuria,tek ti,Katerinë       *

Malli zë edhe më bren,siç ha mola trarin

Veç për ty,moj mademë,s'e duron dot mallin.

Ndarja qe fare e kotë;për shkaqe banale

Ndaj dhe sy nuk mbyll dot...mëndja në alarme...

*përkimi i emrit,është fare i rastit.

Portret

Marrë pak mjegull,pak shkumë deti

Marrë,sigurisht,edhe pak hutim

Dhe ja tek doli portreti

Mike,moj;del yti shëmbëllim.

E marrë dhe zë e përqas

Të shoh dua së gjalli

Nga malli,moj mike,sa nuk plas

Më mungon origjinali.

E  di   

E di që dhe aty ka ardhur pranvera

Dhe kanë çelur jargavanët e verdhë

Aty dua të jem,siç qeshë protohera

Kur ke dalë  dhe me nge zë i mbledh.

Të  shoh nga larg,se vërtet që jam larg

Por malli bën tutje dhe të sjell këtu afër

Moj jargavane,shpirtin ma bën plagë

Dhe shtrihem i mundur,si plak i vajtur.

30 mars   2011