Shtesë » Lajme

Tribunë kushtuar 30 vjetorit të demonstratave të vitit 1981

E enjte, 03.03.2011, 08:50 PM

Opinioni shqiptar me kohë është informuar se në Zvicër disa muaj më parë është themeluar Këshilli Organizativ për Shënimin e 30 Vjetorit të Demonstratave të vitit 1981 në Kosovë dhe Mërgatë. Në kuadër të veprimtarisë së vet, ky këshill, veç tjerash ka paraparë organizimin e një tribune në të cilën me referate e kumtesa do të flitet rreth rëndësisë politike-historike të ngjarjeve të Pranverës së Madhe 1981. Tribuna është e hapur për të gjithë veprimtarët, publicistët, historianët, pjesëmarrësit e demonstratave të vitit 1981 në Kosovë dhe mërgatë si dhe për të gjithë krijuesit e artistët shqiptarë dhe të huaj, punimet e të cilëve do të hedhin dritë mbi ngjarjet e vitit 1981.

Qëllimet e mbajtjes së tribunës janë:

• Kumtesat mund të paraqiten nga çdo kush që konsideron se e ndjenë se do të kontribuojë në zbardhjen e atyre ngjarjeve,

• Grumbullimi e kumtesave kushtuar demonstratave të vitit 1981 dhe botimi i një libri nga këto kumtesa,

Temat janë të lira, por duhet të jenë domosdoshmërish të lidhura me demonstratat e vitit 1981 si për shembull:

· Si u organizuan këto demonstrata?

· Rëndësia e tyre politike dhe historike,

· Pjesëmarrja e femrës shqiptare në këto demonstrata,

· Ndikimi i organizatave ilegale në demonstrata,

· Ndikimi i literaturës dhe shtypit nga Shqipëria,

· Roli i mërgatës shqiptare në përkrahje të këtyre demonstratave,

· Demonstratat e bashkatdhetarëve gjatë vitit 1981 nëpër botë, pasqyrimin e figurave të veçanta të demonstruesve të vrarë e të plagosur, protagonistë të veçantë të këtyre ngjarjeve etj

· Pse këto demonstrata u shpallën kundërrevolucionare

· Cili ishte vlerësimi politik i këtyre demonstratave nga organet shtetërore dhe partiake të asaj kohe në Kosovë e ish - Jugosllavi,

· Numri i të burgosurve politikë si dhe shumë tema tjera të ngjashme që nuk dalin në asnjë mënyrë përtej ngjarjeve të vitit 1981.

.Diferencimi si plagë e përçarjes dhe prishjes se familjes ,miqve ,fshatit dhe me gjere si pasoje nga termi "përçajë e sundo"pas ngjarjeve te vitit 1981 etj

Rregullat e mbarëvajtjes së tribunës do të jenë këto:

• Kumtesat do të lexohen maximum 10 min,

• Kumtesat do të dorëzohen "Grupit të Tribunës" për shqyrtimin e tyre dhe nëse Komisioni Redaktues i K. O. vlerëson se kumtesa është për botim do të botohet në librin që paramendohet se do të botohet,

• Mënyra e paraqitjes së leximit të kumtesave bëhet sipas alfabetit shqip,

• Përparësi në leximin e kumtesave do të kenë pjesëmarrësit që do të vinë nga shtetet tjera si Gjermani, Belgjikë etj,( për shkak të largësisë), si dhe femrat.

• Përjashtime nuk do të ketë për asnjë paraqitës.

Agjenda e mbarëvajtjes së tribunës:

• 10:00 Hapja e tribunës nga – Jashar Alia

• 10:03 Rëndësia e mbajtjes së tribunës- Sejdi Gega

• 10:08 Paraqitja e punimeve artistike- Sylë Muja

• 10:20 Mbarëvajtja e tribunës- B. Tahiri

• 10:25 lexuesi i kumtesës së parë N.N

• 10:45...

• 13:00-14:00 Pauzë dreke rreth një orë

• 14:00 vazhdim i leximit të kumtesave N.N

• 15:30 Pushim 15 min

• 17:00 Pauzë 15 min