Shaban Peraj: Reforma shkollore kerkon strategji per arsim

Reforma shkollore kerkon strategji per arsim

Shkruan: Shaban Peraj

Keto dite doli ne opinion nje deklarate e partise Forca e Re Demokratike-Forca ku ne vend qe te lexoja ndonje reagim per strategjine e vertete te arsimit, per programet mesimore, gjendjen e objekteve shkollore,  reformen mesimore, behej fjale per emerimet e shkarkimet e drejtoreve te shkollave fillore e te mesme, gje qe edhe kjo ka rendesine e vet dhe nuk duhet anashkaluar problemin qe po zvarritet tash e sa vite te demokracise. Kuptimi esencial para se te emerohen drejtoret duhet te jete strategjia mesimore, ku shkojme keshtu me reformen shkollore, per te cilen problematike duhet te merren specialistet, ata qe me mire i njohin kushtet dhe rrethanat e zhvillimit te shoqerise, po edhe institucionet qe jane mbi partite politike. Ndryshe reforma qe pretendohet te behet nuk eshte produkt i mendimit te specialisteve te mirefillte te arsimit dhe intelektualeve te mirenjohur qe aspirojne per nje arsim te lire, demokratik e te zhvilluar.Per kete duhet te reagojne te gjithe ata qe kane detyren ligjore ta bejne, e pastaj kuptohet se pikerisht atyre u takon te merren edhe me politiken zhvillmore te shkollave duke filluar nga drejtoret e mekanizmat tjere percjelles. Kur behet fjale per emerime te drejtoreve tashme eshte e qarte se ka pak respektim te ligjit dhe duke falenderuar disa puthadore po emerohen e po shkarkohen drejtore te shkollave pa kurrfare arsyetimi e pa kurrfare pergjegjesie. Mjafton te deklarohen si anetare i nje subjekti te caktuar politik, pa le se cfare parametrash kane, sa jane te kycur ne problemin e arsimit duke perbuzur kerkesat e nxenesve dhe keshtu avancohen aspiratat e karrieristeve, qofshin ata ne pozite apo opozite.Levizjet, emerimet e shkarkimet e drejtoreve te shkollave ne vend te pare demtojne imazhin e arsimit e shkaktojne probleme te pariparueshme per secilin qe mendon ne avancimin dhe modernizimin e shkollave tona.Kjo qe po ndodh rreth ketij problemi eshte me teper politizim, klanizim partiak i ketij procesi edukativo- arsimor qe si duket nuk ka te ndalur, ndaj edhe ndryshimet qe priten te behen i bene ata pergjegjes kryesor per kete gjendje mjegulluese qe po mbreteron. Keshtu sic jane bere disa shkolla tona si disco-bare, drejtoret ne shume aspekte jane shume te dobet, jane te politizuar e mesimdhenesit te degraduar moralisht e materialisht.

Po le t`i leme arsyetimet e ministrise se arsimit  se gjoja ketu nuk ka politike, se po te vazhdojme te flasim keq per ate qe po ndodh sot ne nje nga fushat me delikate per zhvillimin e nje shoqerie atehere gjerat do marrin rrjedhe tjeter kur te kihet parasysh se ne shqiptaret kemi specifikat tona ne gjuhe e kulture, dhe per kete ne keto momente u takon institucioneve perkatese te ngrehin zerin, por ce do se disa syresh paraqiten pasi te “kalojne treni”,  dhe vazhdohet te reagohet perseri nga disa syresh sa per sy e faqe!

Per te arritur deri te ajo qe kerkohet nga ne do te duhej patjeter te kemi edhe nje demokratizim te politikave arsimore. Si duket te moskuptuarit e demokracise  do te mbetet so zorre qorre, ndaj edhe emerimet e shkarkimet e drejtoreve behet nga ndikimi i pushtetit qe ka monopolizuar cdo gje. Shume lehte do te rregullohej kjo ceshtje nese do te kishte vullnet politik ne mes paleve, derisa te mos ndodh kjo gjerat do rrjedhin keshtu pa i dhene kush llogari kujt ne te mire te nxenesve, trupit arsimor, kriterit te aftesise e pervojes shumevjecare ne pune.

E mbi te gjitha kete anarshi mendimesh e argumentesh lidhur me ate se kush duhet te reagoje rreth ketij problemi, ajo qe sot duket eshte me e rrezikshme, fakti eshte se pefaqesuesit e institucioneve perkatese nuk e thane fjalen e tyre atehere kur duhej ta thonin, ndaj gjerat perseriten dhe ne nuk mesojme nga e kaluara. Sido qe te jete puna, ketu ka vend per bisedime ne mes te institucioneve per faktin se ata duhet te “zbresin ne  toke” per t`u mbeshtetur ne referenca te sakta bazore e ligjore  karshi realitetit qe po perjetojme. Mungesa e kurajos per te ndryshuar dicka ne kete drejtim ndalon integrimin e zhvillimin e nje shoqerie, kudo e kurdo dhe kjo vjen nga mungesa e pergatitjes per te pasur si pikenisje strategjine e arsimit.

Mendoj se dy jane hapat emergjente qe i konsideroj si baze per te ndryshuar situaten ne zgjedhjen e drejtoreve. Se pari te trajtohen te barabarte gjithe kandidatet konkurues, pavaresisht percaktimeve partiake dhe se dyti verifikimi i aftesive profesionale per nje kontrate katervjecare. Nese keto dy hapa respektohen pa levizje majtas e djathtas, atehere ndihmojme institucionet perkatese qe te zhvillojne strategjine e arsimit me cka do te rritet autoriteti i drejtoreve, trupit arsimor  karshi prinderve dhe nxenesve. Hapi i pare ndodhet tek ministri i arsimit, i dyti tek ai qe emerohet per drejtor pa qene i ndikuar nga presionet e influences partiake, gje qe per momentin mungon.Nese zbatojme rregullat e lojes me duket se eshte momenti i fundit qe te lejojme krijimin e hapesires per rifreskim kadrovik, ndryshe do te vazhdojme te shkaterrojme sistemin arsimor pa i dhene llogari askujt.