Poezi nga Gazi Buxheli

Gazi Buxheli

KESHILLË NEPËRKE

Mendimin e pamenduar,

që askush s’ia kish dhënë kurrë,

i dha lypsarit, në ta aguar,

nepërka , fshehur nën gurë…

…s’idha helm, as trëmbje s’i dha,

nepërka fal veç bukuri,

por kujdes o lypsar, i tha,

me helmin që mban në gji…

se rrjedhë e tij nëpër deje,

del e merr arratinë,

ikur tutje, larg teje

mund të vrasë pafajsinë!

GURI  I  SIZIFIT

I rëndë Guri i Sizifit,

në filozofinë e qënësisë.

Përmbi kryet e çdo varri,

vënë si gurë i vazhdimësisë….

SERVILI

U nis për në Olimpin e përëndive,

për të treguar vlerat që kish,

por i kishin ato këmbët e lara,

ndaj duhet te shkonte sërish…