Përparim Hysi: Mall për fshatin

Përparim Hysi

Mall për fshatin

1. Mushaja

Vinte stina e pranverës dhe në fshat buisnin lulet

Gjelbërimi-gjelbërim,bari shkonte gjer në gjunjët

Ne,secili,tufën tonë e kullotnim tek mushaja

Se kullotë ajo shërbente,qe e madhe sa"dynjaja?!!!!"

Por tani askund s'e shoh,ku është toka për musha?!

Se kufijtë mirë ia njoh ; dua të shkoj të çmallem ca

Si njeherë e ca vaktit,po ku jni,moshatarë?

Por mushanë ia dhanë"luvgatit",ndaj dhe jam i shqetësuar.

Ky s'qe fare që nga fshati,se nga erdhi veç nga fundi

Seç i dha nën dorë gjykatësit,domethënë,fshatin e mundi

Na tund shkresat si "tapi",na rrëmbeu të tërë mushanë

Është t'ia marrësh me oi,ndaj dhe zëmra ime qan.

2.Ç'u bënë pemët që kish fshati

Ç'u bënë pemtë që kish fshati,gati nga 5 rrënjë për frymë

Pemët i hëngri "luvgati",sikur qe një suferinë

Suferinë,erdh nga Veriu,si yrnek qe nga Ruisia

Dhe s'i lanl gjë njeriu,shkoi e vate pemëria.

Seç i shkuli që të tëra dhe i ktheu në tokabuke

Obobo si si u bëra,si një kokë që s'ka baluke!

Ikën  pemët sikur s'qenë, fshati ngjan fare i shkretë

Nëpër fshat nuk gjen një pemë,nga regjimi:qe lanet!

3.Së prapthi

Të gjitha së prapi u bënë në fshatin tim

Merr kush të marrë,si kërma mbi pasurinë!

Ai që nuk ish derdhur qoft dhe një pikë djersë

Mori aq sa deshi,se kish,tash,"licencë?!!!"

U shit pasuria?!Ç'u shit?U fal

E morën dikushët që qenë hipur mbi kalë

Të shkretët pronarë presin ç'thotë ligji

Por ligjin prej fyti e ka zënë "Maliqi?!"

Në qytet marin fabrika,në fshat morën toka

Se o kanë "licencë",o krahë të forta

Domethënë,ku ishe?Nuk isha gjëkundi

Në gjithë këtë histori:i ndershmi humbi.

4.Fëmijëria

Ja mushaja ku kullosnim bagëtitë,ja dhe pylli ku dilnim për gjah

Aty na gjeje ne çdo ditë,aty se kjo ishte jona dynja.

Dhe lojërat i shpiknim vetë,nuk kishim katalogë a manuale

Dhe cinglat a dokrrat vetë,për top as që flitej fare.

Se mushaja kish brinjë e kodra,shesh për top veçse pak

Por ne kishim të tjera lodra,dhe nuk mërziteshim aspak

Përkundrazi,mbusheshim shend,dhe qemë,pse mos,të lumtur

Mëndjen s'e vrisnim për gjësend,na dukej se s'kish më bukur?!

E,fëmijëri,e madhe sa bota!Sa shpesh,më vjen,sa shpesh!

Dua  që me shokët t'ia  bëj toka,se malli më këputi në mes.

Mblidhuni,të dashur moshatarë!Mblidhuni atje,tek mushaja!

Ah seç mall më ka marrë!Fëmijëri je e madhe sa dynjaja!

5.Më mori malli për një kaba myzeqare

Më mori malli për një kaba myzeqare

Të dëgjoj një orkestër nga ato,me saze

Të luaj në gërnetë Haxhiu nga Mbrostari

Violinën ta qajë Telua nga ZHupani.

Llahutën ta mbushë siç di Nexhipi

Defin le ta "grisë" si dikur Xheviti

Mandej,për vete,le të marrin një "xhërr" *

Unë për një"xhërr",jap shpirtin të tërë...

* melodi orkestrale që sazet marrin për qejfin e tyre.

** poezitë janë shkruar në vitin 2001

29 tetor 2010