Poezi nga Çlirim Uça

Çlirim Uça

Mbretrit tanë

Franca e kulturës

Pati një mbret

Që tha: unë jam shtet,

Franca vetë.

Koha e gjykoi thënien e mbretit.

Në shtetet shqiptare,

të kanuneve dhe bajraqeve

Mbretrit tash brohorasin:

„Bekoje Zot Shqipërinë

Bekoje Zot Kosovën martire

Bekoje Zot popullin shqiptar“

…

Zoti i ka degjuar mbretrit tonë

Vendet tona po lulëzojnë,

populli është i lumtur,

si askush tjetër.

Populli,

mirënjohës për bekimin e fituar,

plot ngazëllim po brohoret:

“Zot, bekoji dhe mbretrit vetë

le ta gëzojnë edhe ata këtë lezet!“.

30.08.10 Wohlen

Po grindën qentë

Zhurmshëm,

fare të hallakatur

po grindën qentë.

Ulërijnë zemërzitë:

ma bëre ta bëra

ma more ta mora

ma hëngre ta hëngra…,

deri në zëra të mekur.

Po grinden bishatë

jo për një copë asht

as për një copë bukë,

por për barkun e popullit

dhe trupin e Atdheut.

31.08.10. Wohlen