Ecje - triptik nga Kostaq Duka

Kostaq Duka

Ecje ...

-Triptik- 

Zgjimi

Njerëz

Gëzojuni rezes së artë,

Lules së parë,

Dëborës së bardhë,

Fërshëllimit të erës,

Ngritjes e rrëzimit të dallgës.

Por më shumë

Gëzojuni zgjimit në mëngjez,

Orkestrës së gjymtyrëve

Dhe mendjes për ecje të paprerë.

Në ndjekje të Diellit

Nga fundi i një grope

Diellin e shihja kokën të nxirrte nga maja shkëmbore e malit

Dhe ikjen e tij e ndiqja 

Përsëri aty ku malet përgjysmonin horizontin.

Ndaj prej gropës kur dola

Thashë: diellin po e prek po kapërceva malet

S’e dija se pas tyre vinin oqeanet.....

Dielli mbeti larg

Edhe pse më ngrohu më shumë,

Me la pas ….në udhë.

Dhurata

Në  rini

I fali puthjen dhe unazën e diamantë.

Në pleqëri

Në 50-të vjetor martese

I fali një veshkë nga trupi i vet

Që nga gishti i saj unaza të mos bjerë.

Tetor, 2010