Demir Krasniqi: Në rikujtim të personaliteteve atdhetare - Hilmi Kallaba & Metush Krasniqi

Në rikujtim të personaliteteve atdhetare:

HILMI KALLABA

Me dekret t’ Mbretërisë Shqiptare

Për një mbrojtje gjithëkombëtare

Në Gjilan për Myftini –

Mulla Idrizi u bë Myfti !

N’ Myftini , për sekretar –

Hilmi Kallaba , ishte i parë ,

Patriot e  besimtar  ,

Mbi të gjitha : ATDHETAR .

Këta dy trima të kësaj ane ,

Në Bashkësinë Myslimane –

Me ambicie e aspirata ,

Mbanin shqip administrata !

Kurorëzimet e çifteve t’ reja –

T’ mbahen shqip , kërkonte feja !

Kush ka lindë e kush ka vdekur –

N’ Libra t’ Amzës , shqip kanë mbetur...

Në Gjilan , n’ “Atek Medrese “ ,

Linden xixat e një shprese –

Që n’ medresetë  e Myftinisë

T’ mësohej n’ gjuhën e shqiptarisë !

Këtë kërkesë e shtroi më i pari –

Hilmi Kallaba , ai sekretari !

Aty , hasi në kundërshtarë –

Për gjuhë t’ huaja ishin ithtarë !...

Këtë ide , Hilmiu e nisi –

E përkrahu Mulla Idrizi !

Dhe kërkesa u jetësua –

N’ gjuhën shqipe për të mësua !

Hilmi Kallaba , po ligjëron :

“Po s’e mësuam , ne, gjuhën tonë –

Kush , pra, tjetër , do ta mësojë ?

Zoti i Madh, do t’ na dënojë !”

Çka ka thënë Hilmi Kallaba :

“Nuk jem’  turq , nuk jem’  araba !...

Jem’  të rritur n’ bukë e n’ kripë –

Do të shkruajmë e t’ flasim shqip !”...

Arsimdashësin e kësaj ane

E vranë forcat partizane ,

Në vitin Dyzet e Katër –

Për t’u  hyrë shkijeve në hatër !...

S’ ka armiq , as s’ka tradhtarë ,

Që e vret arsimin shqiptarë !

Sa ka plumba e duar tradhtare –

Lindin TRIMA  e ABETARE !

METUSH KRASNIQI – DAJKOCI

E kujtomë Metush Dajkocin –

Patriot – s’ mund t’ ia gjesh shoqin !

Ndër luftëtarët e qëndresës –

Është simbol i REZISTENCËS !...

Për kauzën gjithëkombëtare ,

Për bashkim trojesh shqiptare ,

Ku e la Mulla Idrizi –

Vazhdoi rrugën Metush Krasniqi ...

Ishte e qartë motoja e tij ,

Si për t’ vjetër , si për t’ rinj :

“Kush nuk lufton për LIRI –

Është gjykuar të rrojë n’ ROBËRI !”...

Atë flamur t’ Mulla Idrizit –

E kanë bartë shumë djem të fisit ...

Ndër ta ishte Metush Krasniqi ,

Që me gjak , SHKABËN qëndisi ...

Për flamurin tonë kombëtar ,

Flet Metushi, ai atdhetar :

“Këtë flamur me shenja t’ arta ,

E kem mbajt ndër gjenerata ...

E mbështollëm fort për trupi –

Nuk e lamë kurrë që të humbi !...

Nuk e lamë për t’u  përdhosë –

Në duar trimash është përsosë !...

Këtë flamur do ta mbështetë –

Gjenerata Gjashtëdhjetë e Tetë...

Dhe me gjak t’ martirëve t’ ri –

Ky flamur ka për t’u ripërtëri !...

Këtu nuk ndalet epopeja ,

Amanet – gjeneratave t’ reja :

IDEALET  T’ I KURORËZOJMË  –

ZOGJTË E SHQIPES T’ I  BASHKOJMË !”

Kështu ka thënë Metush Krasniqi ,

Ai gojë-ëmbël  porsi fiqi ,

Që me mallë i mbylli sytë –

Për ta parë Kosovën n’ DRITË !...

                        Demir KRASNIQI