E diele, 27.11.2022, 11:56 AM (GMT)

Shtesë » Lajme

53% e punonjësve në kërkim të punës jashtë, 25% planifikojnë të ikin brenda vitit

E premte, 11.11.2022, 07:52 PM


Shqipërinë e presin ditë të vështira në drejtim të largimit të fuqisë punëtore jashtë vendit, nxitur nga niveli i lartë i pakënaqësisë në punë, i cili ka mbetur në të njëjtat nivele për vite me radhë.

Sipas sondazhit të fundit që bëri kompania Ep & Partners Consultancy (EPPC) në rreth 1400 punonjës, rreth 53% e tyre po marrin në konsideratë të kërkojnë një punë të re, në një shtet tjetër, gjatë 12 muajve të ardhshëm.

Rezultatet e anketës treguan se 25% e punonjësve 2,5 në 10 të punësuar ka shumë mundësi që të lëvizin për një punë të re, në një shtet të huaj, gjatë 12 muajve të ardhshëm.

Ndër arsyet e kryesore të largimit të punonjësve mbizotërojnë ikja për një të ardhme dhe një shkollim më të mirë për fëmijët, pagat më të larta, ikja për një jetë më cilësore dhe një zhvillim më i mirë personal.

Anketa tregon se, tregu i punës në Shqipëri është përfshirë në tranzicion nga niveli i pakënaqësisë. P.sh. gati 62% e punonjësve janë shprehur se do të kërkojnë ndryshimin e vendit të punës gjatë 12 muajve të ardhshëm.

70% do të kërkojnë një pune të re për një pagë më të mirë, faktori kryesor dhe vendimtar për marrjen e këtij vendimi.

Mundësia për karrierë është arsye për kërkimin e një pune të re për gjysmën e punonjësve. Arsye të tjera dytësore janë nevoja për vlerësim, kultura e kompanisë, balanca punë-jetës private, stresi, atmosfera në punë, etj.

Motivacionet që i shtyjnë punonjësit për të kërkuar punë të re janë të ngjashme nga viti në vit, por gjithsesi në vitin 2022 vihet re një përforcim i peshës që zë paga në këtë vendim, si dhe peshës në rritje që ka kultura e punës në një kompani dhe balanca mes punës dhe jetës private.

Paga është arsyeja kryesore për të kërkuar punë të re dhe ka peshë të ngjashme në Shqipëri dhe Kosovë.

Në Kosovë, mundësia për karrierë merr peshë më të madhe, ndërsa në Shqipëri, arsye të tjera si të ndierit i/e vlerësuar, kultura e kompanisë, balanca punë-jetë private, atmosfera dhe stresi në punë si dhe marrëdhënia me drejtuesit.

16% e punonjësve në Shqipëri dhe 21% e punonjësve në Kosovë, punojnë gjithmonë në fundjava dhe/ose në festa zyrtare. 20% e punonjësve të kompanive private deklarojnë se punojnë në fundjavë dhe/ose gjatë festave zyrtare, ndërsa në institucione publike puna në fundjavë dhe festa ndodh më rrallë, konkretisht vetëm mes 4% të punonjësve.

Rezultatet tregojnë përmirësim në 2022, përsa i përket punës në fundjavë dhe/ose gjatë festave zyrtare, për punonjësit në Shqipëri. Gjatë viti 2019, 21% e punonjësve punonin gjithmonë në fundjavë dhe/ose gjatë festave zyrtare, ndërsa gjatë vitit 2022 kjo shifër ka zbritur në 16%.

Revista Monitor

https://www.monitor.al/53-e-punonjesve-ne-kerkim-te-punes-jashte-25-planifikojne-te-ikin-brenda-vitit/



(Vota: 1)

Komentoni
Komenti:

Artikuj te tjere

Mërgata Shqiptare në Botë: Apel për pjesëmarrje në regjistrimin e popullsisë nga mërgimtarët nga Serbia, në veçanti nga Presheva, Medvegja e Bujanoci Refik Hasani: Apel për regjistrim sa më masovik E largojnë nga FSK sepse kishte tatuazh me vargjet e Heroit Agim Ramadani! Mbretëria e Bashkuar në zi/ Ndërron jetë Mbretëresha Edi Rama zgjedh presidentin e tij, Shefin e Shtabit të Përgjithshëm të Ushtrisë Floriana Garo: Edi Rama dhe Taulant Balla kanë dalë hapur në mbështetje të Lulzim Bashës Dasho Aliko i bën thirrje Bashës: Nuk e keni shumicën, hap krah! Edi Rama: Lëreni PD-në, ejani të rikthejmë Monizmin! Vandalizohet varri me mbishkrim shqip në Guci Shqiptaro-Amerikani Republikan shpall garë kundër Senatorit Demokrat Chuck Schumer Profesoresha Basha-Jakupi po vlerëson programet akademike në Letoni dhe Rumani Çaush Kullafi: Këtë shkollë, do ta bëjmë edhe më të bukur! Petrit Aliaj: Në Verona lind qendra e kulturës artistike-sportive 'Nënë Tereza' Idriz Zeqiraj: Degët e LDK-së në Gjermani dhe Zvicër bënë vizita në atdhe “Hidheni në koshin e plehrave”, imami arab në Gjermani kundër flamurit shqiptar Elena Kocaqi takon shqiptarët e Ukrainës Ramiz Lushaj: Agim Mehmeti nderohet me Çmimin e Lartë “Ahmet Krasniqi” Arrestohet poeti ''hoxhist'', reagon Kisha Kastriot Dervishi: Një statistikë tronditëse Nebil Çika: Guvernatori i Floridas nënshkruan ligjin që detyron mësimin në shkolla të krimeve të komunizmit

Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora