E premte, 18.10.2019, 10:27 PM (GMT+1)

Kulturë » Berisha

Berisha: Sonte sofër feste

E merkure, 31.12.2014, 05:12 PM


Sejdi BERISHA:

 

NË VEND TË URIMIT PËR VITIN E RI - 2015

 

SONTE SOFËR FESTE...!

 

1.

Sonte

Të gjithë do festojnë

Fëmijët në gjirin e nënave

Të rinjtë duke u përqafuar

Pleqtë me peshën e rrugëtimit

 

2.

Sonte do kremtojnë edhe kalamajtë

Me tullumba të Lulit Vocërr

Edhe familjet nën çati të rrënuar

Me mace e minj përreth sofre

 

3.

Sonte do festojnë

Lypësit me kotheret e bukës

Edhe ata

Që gazmendin e vëzhgojnë

Nga brenda dyerve të hekurta

 

4.

Do kremtojnë

Ata që kurrë nuk kanë festuar

Ata në azil-burgjet

Në dhomat me parmakë

Me shikim të ngujuar

Do festojnë edhe rrugët

Që bartin e tretin të rinj

 

5.

Sonte

Të gjithë do festojnë

Edhe qentë endacakë

Që kafshojnë e vrasin fëmijë

Edhe lypësit nëpër kontejnerë

 

6.

Sonte edhe ujqërit do festojnë

Dhelprat dhe urithët që tokën lëkundin

Do festojnë edhe zogjtë në kafaze

Shqiponjat dhe drerët

Do festojë edhe buka e mykur

Në gojën e të uriturve

Edhe ata

Të nën urave-shtëpi

 

7.

Sonte

Edhe unë do festoj

Me eshtrat e të pagjeturve

Me ndrydhjen e fëmijëve jetimë

Në sofrën e shtruar për të gjithë

Do festojnë edhe lapidarët

Me shikim kah qielli

Me flamuj të shlyer nga dielli

E me lule të vyshkura mbi supe

8.

Sonte do provoj

Të gjithë t’i bashkoj

Ata që festojnë

Edhe ata që nuk kremtojnë

Heronjtë dhe dëshmorët

Me sharki e çifteli

Le të na argëtojnë

 

9.

Sonte mos qani

Por vetëm këndoni

Unë do festoj së bashku me ju

Sepse erdhi edhe një Vit i Ri

G ë z u a r...!



(Vota: 9 . Mesatare: 5/5)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT