E marte, 19.03.2024, 10:11 AM (GMT)

Kulturë » Kozeta

Kozeta Zylo: Një kupë muzgu si verë e piva

E merkure, 19.03.2014, 07:05 PM


Kozeta Zylo

 

Një kupë muzgu si verë e piva

 

Përhumbem e tëra në qiellin e muzgut,

Dhe si me magji hap portën e tij,

Hëna e malluar më shkel ethshëm syrin,

Si nje mjellmë fluturimthi atje mbërrij.

 

Ca yje të florinjta si qirinj ndizen,

Dhe ulem përmbi r?, rozë të sedefta,

Kopshti i Luksemburgut me dashnorë shfaqet,

Me misset e Botës me sy të blerta.

 

Është një udhëtim i purpurt krejtësisht falas,

E portokallta ndizet, ndizet në të kuqerremtë,

Rembrandtin kam përballë në një fron reje,

E kuqja e Onufrit nudo më mbeshtjellë.

 

Pikëzat e verdha flokët më mbulojnë,

Në poret e lëkurës një e zbehtë narkotike,

E qeshura pezull si petale sillet,

Dhe parfumos trupin me ëndrra erotike.

 

Njyrat e ndritshme cekin buzët e oqeanit,

dhe zjarr skuqin brigjet e tij,

Me gjokse të fryra dalin sirenat,

Neptuni pa frymë meket përbri.

 

Befas një kupë muzgu si verë e piva,

Në ekstazë të ngjyrave si robi në Liri,

Në mëndafshe fijëzash, ylberi u shtriva,

Dhe brenda tyre, malluar u shfaqe Ti!

 

19 Janar, 2014

Staten Island, New York



(Vota: 3 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora