Kulturë
Demir Krasniqi: Çka po thotë ai Munish Muja
E enjte, 29.12.2011, 02:35 PM
Parodi:
ÇKA PO THOTË AI MUNISH MUJA
Mixha Kekë, nisi e po flet –
Me shokë t’ vet po e banë një dert ,
M’ është sëmurë gruaja , m’ ka marrë ves- ves ,
Fort po tutna , mos po m’ vdes !
Çka po thotë , ai Munish Muja –
S’e kam gajle pse m’ vdes gruaja !
Edhe pse jam plak me mjekër –
Me m’ vdekë gruaja – e marr një tjetër !
Priti e foli Mahir Mahalla –
Moj e mira nëpër talla ,
N’ kallabllak njihet budalla ,
Burri plak po flet kopalla !...
Mori fjalën , ai mixha Hetë –
Ti Munish , je mendje lehtë ;
Grua t’ rrugëve mundesh me gjetë ,
Por , jo kurrë shoqe për jetë !
Nuk mund t’ gjesh ma nënë për fëmijë ,
As s’ mund t’ gjesh grua për shpi !
Se n’ pleqëri martesa e plakut –
Është bela , vaj i sokakut !
Në pleqëri gruan e gjanë –
Me i heq bukën dhe qiranë !
Kjo martesë , more mendjehollë –
Ta banë shpijen auto – shkollë !...
Hynë e dalin myzevirët ,
S’ ndalen kurrë as mysafirët !...
Shpejt do t’ bahesh me i ra veti –
Nuk t’ lanë lumi , nuk t’ lanë deti !
Ruaje gruan , ruaje vetin ,
Duaje shumë , dija kimetin !
Se kur t’ vdes gruaja n’ pleqëri –
Ka me t’ rrua dreqi i zi !
Gjilan, më 28.12.2011. Demir KRASNIQI