Tahir Bezhani: Në Fishtë

Tahir Bezhani:

NË FISHTË

Gjithandej,

Maleve,kodrave e fushave

Ushtimë kënge në lahutë

Mall i strukur në zemër toke

Telat në heshtje bënin krismë

Në Zadrime e Fishte

Kudo  trojeve  të shqiptarisë

Në Fishte te” Lug i Zanave”

Cakërruam gotat me   verë

Në vendlindjen e Homerit Shqiptar

Kujtimet ringjallin historinë,

Çdo pëllëmbë e kësaj toke

Ka te mbjellur lavdinë.

Në Fishtë,

Lahuta nuk heshtë.....

Fishtë,

08.shtator,2011

PLAZH I VETMUAR

Bëjë plazh  i vetmuar

Në rërën e nxehtë të Shëngjinit

Sodis valët e detit

Gjëmojnë si  fëmijë i nervozuar

Në përplasje brigjeve

Shpalojnë e mbulojnë mallin

Gjurmë dashurie  e verës së zjarrtë

Puthjet ishin tretur

Buzët kishin bartë hirin

Udhëkryqeve të botës....

Në plazh i vetmuar

Në rrezet e urta shtatori

Puhi e valëve të jodizuara

Ngacmojnë muzën time

E  rrezet e diellit çafin kodrën Rrenc

Kënaqësia ik më herët

Ngujuar në dhomën e shpirtit

Bukuria vjell vargje

Edhe në mesnatë

Plagët e mbjellura në rërë

Mbijnë herën tjetër.....

Shëngjin,

10.shtator,2011

LARGËSI

Ti-atje larg

Në një kodër malli

Unë në shpatin e djegur

Mes nesh gjëmon lumi

Ti flakë,

Unë zjarr

Tërë dita  shkrumbon

Mall i kalltë

Largësi pa fund...

Gjakovë,

17.11.11