E shtune, 28.01.2023, 01:22 PM (GMT)

Shtesë » Lajme

Anulohet protesta-Buja premton shamijat!

E shtune, 23.07.2011, 06:55 PM


Ministri Buja ka deklaruar se lejimi i shamisë në shkolla publike është gjë e përfunduar dhe është çështje kohe. Kështu thonë përfaqësuesit e Lëvizjes "Bashkohu", mirëpo Info Globi nuk ka mundur ta konfirmojë këtë pohim.

 

Prishtinë: Lëvizja “Bashkohu”, përmes një komunikate për media ka bërë të ditur se ka anuluar protestën e paralajmëruar para ndërtesës së Qeverisë së Kosovës, që ishte planifikuar të mbahej të premten.

Në këtë komunikatë thuhet se, deri te ky vendim Lëvizja “ Bashkohu “, ka ardhur pas deklaratës së Ministrit për arsim , shkencë dhe teknologji MASHT- it Ramë Buja publikuar sot me datë 21.07.2011 në gazetën “ Express “. Ministri Buja ka deklaruar se lejimi i shamisë në shkolla publike është gjë e përfunduar dhe është çështje kohe. Në vazhdim Ministri Buja ka theksuar se asnjë mysliman nuk duhet ta preokupoj fakti që vajzat e tyre po mbesin pa shkollë për shkak të bartjes së shamive. Ministri Buja ka dhënë premtimin se do ta modifikoj udhëzimin administrativ i cili e ndalon bartjen e shamisë në shkollat publike të Republikës së Kosovës.

Gjithashtu nga burime të brendshme dhe të sigurta nga Kryeministria e Kosovës jemi informuar se Kryeministri i Republikës së Kosovës e ka vënë para përgjegjësisë këshilltarin e tij politik Blerim Latifi për deklaratat e tij fyese ndaj Kuranit.

Shkak tjetër për anulimin e kësaj proteste është edhe protesta e paralajmëruar që të mbahet me të njëjtën datë në ora 12 : 00 , para ndërtesës së qeverisë së Kosovës e organizuar nga veteranët dhe invalidët e luftës, thuhet në komunikatë  .

Lëvizja ” Bashkohu “ përmes kësaj komunikate i informon institucionet gjegjëse dhe opinionin e gjerë se në rast se bartja e shamisë në shkollat publike të Kosovë nuk lejohet deri në fillim të vitit të ri shkollor ashtu siç ka premtuar edhe ministri i MASHT- it, atëherë ne do ti përdorim të gjithë mekanizmat legjitim deri në realizimin e të drejtave tona.



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora