Engjëll Koliqi?: Ta ndërrojmë botën me dashuri II (Cikël poetik)

Engjëll Koliqi

NDËRMJET GJYSMËFJALËVE

 

Ata andej

I kam parë kohë më parë

Si të gjorë

Mes gjysmëfjalëve të kota mbetur

Me gënjeshtëra interesesh bllokuar

Edhe sot vuajnë

Vuajnë e vuajnë

E gjithmonë do të vuajnë

Të gjorët...

            Pescate (Lecco), 13 korrik 2009

 

PROTAGONISTË NË MBRETËRINË E DASHURISË

 

Jemi në këtë botë

Unë e ti

Protagonistë të parë –

Mbret e mbretëreshë

Gjithnjë aktivë

Dhe të fortë

Në aktet e pranuara

Në mbretërinë e dashurisë

-

Dalëngadalë

Me përvojën tonë

Botën do e ndërrojmë

Me dashuri dhe vetëm me dashuri

            Perscate (Lecco), 14 korrik 2009

 

MOS I DËGJO ZHURMAT MBRETËRESHË

 

Eja mbretëreshë eja

Ato që dëgjon andej

Vetëm zhurma janë

-

Eja pa frikë

Mos i dëgjo zhurmat

Dhe të marshojmë bashkë

 

S’ka zhurmë

Që ndal misionin tonë të dashurisë

-

Eja mbretëreshë

M’i afro ato buzë të njoma

!!!

            Pescate (Lecco), 15 korrik 2009

 

NË KËNGËT E MIA

 

Në këngët e mia

Si gjithëherë në histori

Shekull pas shekulli

Edhe sot

Edhe gjithmonë

Gjen plot kushtrime

Plot të vërteta

Dhe dashuri

Sot

Nesër

Dhe deri në amshim

-

Rrofshin

E gjithmonë u dëgjofshin

Këngët e mia

Rroftë dashuria

!!!

            Pescate (Lecco), 16 korrik 2009

 

LE TË MËSOJË NJERËZIA

 

Mbretëresha ime

Aktet tona të dashurisë le të jenë shembullore

Për mbarë njerëzinë

Anekënd botës

-

Le të na shohion të gjithë

Në aktet e së vërtetës dashuri

Dhe le të mësojnë prej nesh

 

Eja mbretëreshë eja

Në të bekuarat akte të dashurisë

Le të na shohin të gjithë

E le të mësojnë nga ne

Besën dhe dashurinë

 

Le të vijnë njerëzia

Nga ne aktet e dashurisë t’i mësojnë

            Garlate (Lecco), 17 korrik 2009

 

BRENDA KRENARISË SONË

 

Besa e madhe

Dhe e vërteta dashuri

O njerëz

Si gjithëherë në histori

Shekull mbas shekulli

Gjenden sot

Dhe do të lulëzojnë gjithmonë

Deri në amshim

Në hapsirat tona

Brenda krenarisë sonë

-

Përpara

Të gjithë bashkë

Me vlerat e besës

Dhe me ëmbëlsi dashurie

-

Përpara

Me krenarinë tonë!

            Milano, 18 korrik 2009

 

NE PO ECIM ...

 

Sado që të shumta janë pengesat

Sado që të mëdha juanë barrikadat

Megjithë zhurmat e shumta

Ne po ecim gjithnjë e më mirë

Gjithnjë e më të sigurtë

E nuk e kemi ndërmend të ndalemi

Në misionin e shenjtë të dashurisë

 

Edhepse kemi shumë kundërshtarë

Ne e vazhdojmë misionin e dashurisë

Nuk lejojmë më të gjallë urrejtjen

 

Ne po ecim përpara

Në aktet e shenjta të dashurisë

            Milano, 18 korrik 2009

 

NDJENJA E TË VËRTETA

 

Pohimet e mia duhet të merren me seriozitet

Dhe të mendohet mirë

Derisa të kuptohet domethënia

Dhe të sigurohet funksionimi i dashurisë

Sepse

Këto pohime burojnë nga ndjenjat shpirtërore

Dhe kanë vlera të mëdha

Së pari për dashurinë

Dhe për shumë gjëra të mençura

-

Le të dëgjohen dhe mirë të kuptohen

Pohimet e mia

Plot me ndjenja

Dhe gjithherë me të vërtta!

            Parma, 18 korrik 2009

 

POHOJMË ME SHEMBUJ E ME AKTE

 

Jemi në këtë botë

Si një pasqyrë shembullore

-

Me të shenjtat akte

Pohojmë dashurinë

Dhe e relizojmë

-

Njerëtit shohin në ne shembull

Njerëzit marrin në ne shembull

Nder i madh

Përgjegjësi e madhe

-

Në të shenjtën dashuri jemi shembull

 

Bashkë e pohojmë

Bashkë e realizojmë

Bashkë e përjetojmë

-

Me dashuri

Botën e ndërrojmë

            Pisa, 18 korrik 2009

 

BRENDA POHIMEVE

 

Eni o njerëz

Shihni e dëgjoni

Eni

Vetë vërtetoni

-

Brenda pohimeve tona

Më së shpeshti dhe më së shumti

Ka dashuri

 

Nëse doni vërtetë ta përjetoni dashurinë

O njerëz të mirë

Eni

Dëgjoni e merrni shembull pohimet tona

 

Nëse doni dashuri të pastër

Të jeni të pastërt e besnikë

Në të gjitha aktet e dashurisë

            Livorno, 18 korrik 2009

 

PO VJEN YLLI ME FAT

 

Në aktet e dashurisë

Shumë gjëra të bukura

Bashkë

Përjetojmë e realizojmë

-

Normalisht

Edhe këngë krenarie këndojmë

 

Ja

Po vjen ylli me fat

-

Aktet me lumturi janë mbushur

Misionin e dashurisë e kompletojmë

 

O njerëz

Mos u frigoni për ne

Eni edhe ju

Se ylli me fat po vjen

-

Eni ta shpallim bashkë

Shekullin e dashurisë

            Grosseto, 18 korrik 2009

 

MOS MË SHIH SHTREMBËR

 

Unë jam nisur

Dhe nuk ndalem

Në misionin e shenjtë të dashurisë

 

Edhe nëse nuk të pëlqen

Nuk ndalem unë

 

Prandaj

Ti mos më shih shtrembër

Bindu dhe eja me mua

Do e ndërroj këtë botë me dashuri

 

Edhe nëse nuk pajtohesh

Më kundërshto me argumente

Por

Mos më shih shtrembër ...

            Civitavecchia, 18 korrik 2009

 

JEHONA E KËNGËVE TË MIA

 

Këngët e mia vazhdojnë

Plot me dashuri

Larg e më larg dëgjohen

Shumë larg jehojnë

 

Një këngë

Dy

Shumë këngë

Pandalur

Dhe plot me dashuri

Larg jehojnë

Dhe botën e ndërrojnë

 

Dëgjoni o njerëz dhe këndoni

Këngët e mia të bekuara

Dhe eni bashkë me mua

Ta ndërrojmë botën me dashuri

            Romë, 18 korrik 2009

 

MBAS STUHISË

 

Këtu jam

Mbas stuhisë

I strehuar nën rrezet e diellit të dashurisë

-

Një këngë kam nisur

Dy

Tri

Këndoj pandalur

 

Mbas stuhisë

I shpëtuar nga vdekja

Dashuri plot jam i mbushur

Dhe me krenari

Këtu

Nën rrezet e diellit

Më i bukuri dukem

Dhe gjithherë i pastërt jam

            Romë, 18 korrik 2009

 

STUHITË VAZHDOJNË

 

Një stuhi përfundon

Tjetra fillon

-

Ka marrë mot i lig

 

Ne këtu jemi

Dridhemi mes erërave

E qullemi nga shira të furishëm

 

Bile në disa raste

Edhe jetë njerëzish përfundojnë

Në regji të stuhive

 

Edhe tash

Kur shumë thonë se është mot i mirë

Stuhitë vazhdojnë

Dhe jetëra njerëzish marrin ...

            Fiumicino (Romë), 18 korrik 2009

 

GJATË PARANDJENJËS

 

Tash

Kur parandjej se diçka do të ndodh

Jam i sigurtë

Kjo botë do të ndryshojë

Dhe përfundimidht

Dashuria do të triumfojë

 

Eni o njerëz të mirë

Eni e mos ngurroni

-

Tash kur parandjej ndryshimet

Ju garantoj të gjithëve

Një jetë të mirë

Pa urrejtje

Plot me dashuri

 

Eni o njerëz

Dashuria na thërret të gjithëve

            Fiumicino (Romë), 18 korrik 2009

 

FLETË DITARI

 

Shpesh

Kur shpaloj fletë ditari

Shumë ngjarje nga jeta më kujtohen

-

E thërras historinë

Dhe i kërkoj:

Ta njohë dhe ta pranojë vetëm dashurinë

 

Ngjarje trimërie

E luftëra për liri

Gjej plot në fletët e ditarit tim

 

Gëzuar histori

Gëzuar Kosovë

Gëzuar Shqipëri

-

Tashmë e kemi lirinë

Dhe e bëjmë vetë historinë

            Bracciano (Romë), 18 korrik 2009

 

DUKE RESPEKTUAR HISTORINË

 

Takohem me gjyshër

Dhe u përkulem

Duke respektuar historinë

I falënderoj që jam gjallë

Dhe për lirinë që sot kam

 

Duke respektuar historinë

Megjithë dhembjet e mëdha

Ndjehem krenar

Dhe nuk ndalem

Në misionin e shenjtë të dashurisë

 

Eni o njerëz të mirë

Duke respektuar historinë

T’i nderojmë bashkë gjyshërit

-

Luftërat çlirimtare kurrë mos t’i harrojmë

Dhe lirinë bashkë ta lulëzojmë

            Bracciano (Roma), 18 korrik 2009

 

KONFORM LIGJEVE TË DASHURISË

 

Ecim gjithnjë përpara

E nuk ndalemi

Mbretëresha ime e mrekullive

Gjithnjë konform ligjeve të dashurisë

 

Eja mbretëreshë

Në sytë e botës të marshojmë

Gjithmonë krenarë

-

Konform ligjeve të dashurisë jemi ne

Dhe nuk kemi çka të frikësohemi

-

Të garantoj që tani

Mbretëresha ime

Suksesi nuk do të na mungoj kurrë!

            Bracciano (Romë), 18 korrik 2009

 

NGRITEMI E NISEMI

 

Në agun e dashurisë

Unë dhe mbretëresha ime ngritemi

Dhe nisemi bashkë

Krenarë

Në aktet e të bekuarit mision të dashurisë

 

Nisemi unë e mbretëresha

Dhe nuk ndalemi dot

Derisa

Përfundimisht ta ndërrojmë botën me dashuri

 

Tashmë të gjithë e dijnë

Shekulli i dashurisë është i yni

-

Nisemi unë e mbretëresha

Në misionin tonë të shenjtë

Dhe kurrë nuk ndalemi

Deri në amshim

            Bracciano (Romë), 18 korrik 2009

 

PËRGJEGJËSI E MADHE

 

Unë dhe mbretëresha

Protagonistë të parë

Në aktet e dashurisë

Kemi përgjegjësi të madhe

Për të përmbushur misionin e shenjtë

Duke ndërruar botën me dashuri

 

Jemi të fortë

Dhe gjithnjë të përgjegjshëm

Me mbretëreshën

Në çdo hap që bëjmë

-

Të vetëdijshëm jemi

Dhe plot përgjegjësi

Në aktet e dashurisë

Në misionin tonë të shenjtë

Unë e mbretëresha

Krenarë dhe të pandalshëm

            Bracciano (Romë), 18 korrik 2009

 

MBAS VENDIMIT

 

Sipas rregullave të historisë

Mbas vendimit

Gjithnjë pason edhe ngjarja reale

 

Unë dhe mbretëresha

Mbas çdo vendimi

Bashkë i realizojmë aktet e dashurisë

Dhe krenarë

Përmbushim plotësisht misionin e shenjtë

 

Mbas vendimit

Ne nuk mungojmë

Dhe gjithnjë bashkë jemi

Edhe në fazën praktike

Të realizimitm të çdo akti

Në të shenjtin mision të dashurisë

            Bracciano (Romë), 18 korrik 2009

 

MBAHU TOKA IME

 

Kosova ime

Tokë e Dardanisë antike

E fortë ke qenë në histori

Shekull pas shekulli

Mbahu edhe tash

Kur nga të gjitha anët duan të të shkelin

 

Mbahu toka ime dardane

Origjinale dhe të paepur të do historia

Qëndro edhe në këto sfida

Që të vijnë

Me e pa rrebeshe

...

Mbahu tokë dardane

Se po u hapet rruga

Shekujve të dashurisë!

            Bracciano (Romë), 18 korrik 2009

 

ME RREGULLA DASHURIE

 

Jemi në këtë botë

Unë dhe mbretëresha

Gjithnjë në shërbim të njerëzimit

Përherë

Me rregulla dashurie

 

Eja mbretëreshë eja

Duhe t’i mësojmë njerëzit

Duke përmbushur misionin tonë

Me rregulla dashurie

 

Eja mbretëreshë

Tashmë jemi të mirënjohur

Mësues të dashurisë

Eja ...

Bracciano (Romë), 18 korrik 2009

 

QË TË MOS VUAJMË MË

 

Do të nisemi bashkë

Rrugës së dashurisë

Dhe do të ecim me besë

-

Do të ndalemi

Të bëjmë punën tonë në të gjitha aktet

-

Misioni ynë i shenjtë do përmbushet

Dhe do lulëzojë

 

Që sot e deri në amshim

Do t’i hapim udhë shekullit të dashurisë

 

Do të marshojmë ne n’atë udhë

Dhe botën do e ndërrojmë ...

            Bracciano (Romë), 19 korrik 2009

 

EDHE NGA LARG ...

 

Unë dhe mbretëresha

Edhe nga larg

Merremi vesh mirë

-

Të gjitha veprimet tona i koordinojmë

Në shërbim të dashurisë

Dhe të njerëzisë

 

Edhe nga larg

Merrem vesh dhe veproj

Me mbretëreshën time

Për ta lulëzuar

Dhe për ta përmbushur

Sa më mirë që mundemi

Të shenjtin mision të dashurisë

 

Edhe nga larg

Unë dhe mbretëresha

I japim shembull njerëzimit mbarë

Me besueshmëri të plotë

Në dashuri

            Bracciano (Romë), 19 korrik 2009

 

DREJT KALASË

 

Marshojmë e s’ndalemi me mbretëreshën

Drejt kalasë

Ku duhet realizuar

Të shenjtin mision të dashurisë

Për kënaqësinë tonë

Për mbarë njerëzinë

Edhe për qetësinë e botës

...

Eja mbretëreshë eja

Drejt kullës të marshojmë

Për besën

Për dashurinë

Për njerëzinë

-

Eja të shkojmë drejt kullës

Aty brenda duhet të kurorëzohemi

Duhet ta marrim mbretërinë e dashurisë

            Bracciano (Romë), 19 korrik 2009

 

GJITHÇKA VARET NGA NE

 

Ne e kemi nisur misionin e dashurisë

Akt mbas akti

-

Gjithçka e bëjmë për njerëzinë

 

Se a do të na dëgjojnë

Se a do ta provojmë të vërtetën dashuri

Gjithçka nga ne varet

-

Nëse misioni ynë lulëzon

Do të lulëzohen kopshtet e dashurisë

Anekënd botës

-

Ne e lulëzojmë të vërtetën dashuri

Ne e shpëtojmë të bekuarën njerëzi

!!!

            Bracciano (Romë), 19 korrik 2009

 

GJITHHERË VIJMË ME DASHURI

 

Sa herë që vijmë këtu

Unë me mbretëreshën

Njerëzia e dijnë

Dhe të gjithë janë të bindur

-

Do të bekohet

Dhe do të lulëzojë

Me hijeshi mrekullie

E shenjta dashuri

 

Tashmë të gjithë e dijnë

Ne gjithherë vijmë me akte dashurie

Plot besë të mbushur

Dhe plot respekt për njerëzinë

 

Eni e na shihni o njerëz

Dhe prej nesh mësoni

-

Ne gjithherë vijmë me dashuri

            Cerveteri (Romë), 19 korrik 2009