Gjon Keka: Kosova ka nevojë për një frymë kombëtare me rrënjë europiane që nuk koketon me ideologiitë fetare

Kosova ka nevojë për një frymë kombëtare me rrënjë europiane që nuk koketon me ideologiitë fetare

Nga Gjon Keka

Secili pushtetar që deri më sot ka koketuar me ideologjitë fetare e në veçanti me ideologjinë islamike në Kosovë ka dështuar jo vetëm në aspektin e ndërtimit të një shoqërie të lirë, demokratike dhe europiane, por edhe në rrugën e procesit të integrimit në familjen europiane.

Secili pushtetar që ka mbajtë afër vetes apo ka shfaqur preferenca të ndonjë nga fetë në Kosovë e sidomos ideologjisë fetare islamike i ka bërë vetëvrasje politike jo vetëm partisë apo lëvizjes së tij, vetes si politikan e pushtetar, por edhe vetvrasje të vetë shtetit e kombit.

Duke ditur se Kosova si shtet është ndërtuar mbi themele laike, poashtu populli i Kosovës është rrënjësisht europian për nga rrënjët e tij historike dhe kulturore, pra i takon civilizimit europian dhe të ardhmes e familjes europiane.

Kur shoh se si në kohë zgjedhjesh mbahen tubime në oborre xhamish apo objekte fetare islamike, se si në kohë zgjedhjesh shfaqen preferenca fetare nga pushtetarët dhe partitë apo lëvizjet e tyre, tregon qartë se Kosova nuk mund të ndërtohet, forcohet, demokratizohet, të jetë e lirë, e civilizuar dhe e orientuar qartë drejtë rrugës së integrimit në familje europiane me këtë garnitur politike e pushetarësh që në njërin krah mbajnë flamurin e partisë apo lëvizjes e në tjetrin flamurin e ideologjisë fetare islamike.

Nuk mund të integrohet Kosova në familjen europiane me një ideologjië të tillë fetare që nuk njeh komb tjetër pos atyre brenda ideologjisë së tyre fetare, e mbi të gjitha që nuk ka të bëjë aspak as me rrënjët tonë, as me imazhin tonë, as me kulturën tonë, as me demokracinë dhe ligjet e zakonet tona e as me kontinentin dhe themelet e Bashkimit të kombeve europiane, respektivisht të familjes europiane në përgjithësi.

Të jesh pushtetar i një shteti laik, sikur është Kosova dhe të promovosh apo të mbash preferenca fetare sikur kanë bërë më parë partitë në pushtet dhe tani pushtetarët e tanishëm të Kosovës është tradhëti kombëtare e shtetërore, është vetëshkatërrim i shtetit dhe kombit, është pengesa më e madhe që i bëhet Kosovës në rrugën e saj euroatlantike, është djallëzimi i imazhit të Kosovës përballë botës demokratike, të civilizuar dhe europiane.

Nuk mund të jesh pushtetar i shtetit të Kosovës e në anën tjetër të bëhesh më islamik se islamikët apo më papë se papa. Sepse Kosova nuk është ndërtuar mbi asnjë ideologji fetare, dhe as nuk qëndron mbi themele fetare, por Kosova jonë, pra shteti i Kosovës është ndërtuar mbi themele të gjakut të dëshmorëve e heronjëve të lirisë dhe njerëzve që me djersë e gjak dhe se ata dhanë gjithçka që vendi të bëhet i lirë, i pavarur dhe të ketë të ardhmen e natyrshme si pjesë e familjes europiane, aty ku i takon rrënjësisht, historikisht dhe gjeografikisht.

Duke parë që deri më sot këtë gabim, është koha që në Kosovë të dal një frymë kombëtare më rrënjë të vërteta dardane europiane e orientuar qartë dhe që nuk koketon me ideologjinë fetare islamike, por e ndërton, forcon dhe e zhvillon shtetin e Kosovës duke e bërë atë më të mirë, më të sigurt, më europian dhe më të civilizuar e të kulturuar dhe pjesë të pandashme të familjes euroatlantike.