Skender Jashari: Postimet, shpërndarjet, komentet që inkurajojnë-nxisin a glorifikojnë terrorizmin

Postimet, shpërndarjet, komentet që inkurajojnë-nxisin a glorifikojnë terrorizmin

Nga Skender Jashari

Me rritjen e vetëdijës së Kombit tonë dhe me fillimin e iniciativave për Kthimin në Fenë e të Parëve, dolën në pah edhe një numër grupesh radikale, ekstremistë e terroristë islamike, të cilat kryesisht të lidhura me agjenturat e Serbisë (si rasti i grupit të terroristit të dënuar, hoxhës Zeqirija Qazimit, apo Hysri Selimit etj). Ashtu edhe grupit terrorist të Rinisë Islame të Kaçanikut, e cila kishte edhe disa grupe të tjera simotra. Një grup tjetër i dyshuar për lidhje me terrorizmin, e që posedonte edhe një faqe në mediet sociale e quajtur “Lëvizja antiislamofobie” u vu në pah, për krijimin e “listës së zezë” në të cilën ishin përfshirë një numër prej më shumë se 500 personash. Duke qenë se në dy-tre vende, kjo listë kishte përfshirë emrin tim, më ka bërë që ta hetoja në detaje.

Prej saj kisha gjetur ekzistimin e grupit terrorist islamik dhe veprimtarinë kriminale të tyre.

Ekzistenca e grupit terrorist islamik, është për faktin që në mënyrë të organizuar veprojnë dhe kordinojnë veprimet e tyre kriminale dhe terroriste. Lehtësisht mund të identifikohen se grupi i tillë, është i përbërë nga më shumë se 5 pesona aktiv. Mes tyre një nga Kaçaniku por me banim në Gjermani, që ishte pjesë e një partie të vogël, radikale politike në Kosovë, e që së paku edhe disa pjestarë të këtij grupi gjenden në vende të ndryshme të Europës Perëndimore, derisa pjesa më  e madhe e pjestarëve aktiv të këtij grupi gjenden në Kosovë( në Prishtinë, Fushë Kosovë, Drenas, Mitrovicë, Pejë, Istog, Kaçanik) por edhe në Maqedoninë  e Veriut si dhe në Mal të zi etj. Karakteristikë e këtij grupi është: se shumica e tyre i takojnë partisë së njejtë politike.

Veprimtaria kriminale dhe terroriste e këtij grupi është: që ishte grup propagandues i terrorizmit islamik; që bënte propagandën e tillë me qëllim të nxitjes së akteve konkrete terroriste islamike kundër personave konkret( këtë e bënte kryesisht përmes publikimit të adresave të vendbanimeve të këtyre personave dhe jo vetëm); që propagandonte radikalizëm, ekstremizëm dhe terrorizmin islamik; që propagandonte pro terrorizmit islamik Palestinez( duke u thirrë në gjoja viktimat civile të atij konflikti); që propagandonte propaganda agresive dhe të ndaluara pro-turke, pro-erdoganiste, pro-ruse, pro-vehabiste etj; që mbështeste grupin terrorist Rinia Islame e Kaçanikut etj.

Tashmë dy prej tyre janë arrestuar nga Prokuroria Speciale e Republikës së Kosovës, uroj që me bashkëpunim ndërkombëtar përmes “ndihmës juridike” të kërkohet edhe procedimi penal i menjëhershëm edhe ndaj pjestarëve të tjerë kryesor të këtij grupi terrorist. Ky grup e pakta që do duhej të akuzohej është për propagandë terroriste islamike, por patjetër do duhej të akuzohen edhe për shtytje në kryerje të akteve terroriste islamike dhe për nxitje të urrejtjes e mosdurimit.

Kushdo që në rrjetet sociale a në medie, në deklarime private a publike etj, propagandon, shpërndan, komenton në mbështetje, apo inkurajon, qoftë me qëllim a paqëllim, në vendet e BE-së, seriozisht rrezikon ndjekjen penale dhe pasojat të tjera, sidomos dëbim për në vendin e origjinës. Një praktikë e tillë, duhet zbatuar edhe në Republikën e Kosovës dhe Shqipërisë.

Republika e Kosovës dhe Trojet tona në përgjithësi, janë edhe sot, kufiri mes dy blloqeve, asaj të Lindjes( që përbëhet nga Rusia, Serbia dhe ideologjia islame) dhe në anën tjetër Perëndimit( që përbëhet nga vendet perëndimore dhe Shqiptarët). Kjo për faktin e të qenit të Serbisë si dorë e zgjatur e Rusisë dhe Islamit politik. Një ndasi të tillë e shohim fare qartë. Luftën që blloku lindor, e bënë kundër perëndimit, mes tjerash përfshinë edhe “luftën online”. Duke qenë se është duke u zhvillu tashmë “Lufta e III Botërore” e ajo është shumë më reale si “Lufta e III Botërore Online” pjesë e së cilës pothuajse është secili nga qytetarët. Pasiqë “lufta online” edhe në doktrinat ushtarake, është relativisht e re, por që vlerësohet maksimalisht dhe tepër e rëndësishme. Lufta “online” përfshinë luftën kibernetike, luftën informative( ku përfshihet propaganda, dezinformimi, minimi i kredibilitetit të informacionit armik etj), luftën elektronike, sigurimin e informacionit, etj.

Blloku perëndimor, ka marr veprime institucionale, për ta kufizu, parandalu dhe luftu “luftën online” të armikut. Institucionet dhe Organizatat më të rëndësishme ndërkombtare, përfshirë edhe OKB-ën, nga 2012, kanë trajtuar me theks të veçantë propagandën terroriste. Edhe pse propaganda në vetëvete nuk është aktivitet i ndaluar, e që përfshihet edhe në parimet bazë të ligjit ndërkombtar për mbrojtjen e të drejtave fundamentale të njeriut, në lirinë  e shprehjes, që garantohet e drejta individuale për të shprehë opinionin apo për të shpërndarë përmbajtjen e cila mund të kundërshtohet nga të tjerët, e që mund të jenë subjekt i disa kufizimeve, si sa i përket kategorive të caktuara të përmbajtjes eksplicite seksuale me qëllim të mbrojtjes së grupeve vulnerable si dhe përjashtimeve që sigurohen me ligj e që janë të nevojshme siç parashihen në nenin 19, paragrafi 3 i Paktit ndërkombëtar për të drejtat civile dhe politike.^[1] Derisa në nenin 19, paragrafi 2, të Paktit ndërkombëtar për të drejtat civile dhe politike, garantohet që “secili duhet të drejtën e lirisë së shprehjes, e që përfshinë lirinë e kërkimit, marrjes dhe përhapjes së informacioneve dhe ideve të të gjitha llojeve, pavarësisht nga kufijtë, qoftë me gojë, me shkrim, në formë të shtypur ose artistike, ose çdo mjet tjetër të zgjedhur prej tij”, por që mund të ketë disa kufizime, siç theksohen në paragrafin 3, :”(a) P?r respektimin e t? drejtave ose t? reputacionit t? t? tjer?ve; (b) P?r mbrojtjen e siguris? komb?tare, t? rendit publik, t? sh?ndetit ose t? moralit publik.”

Me qëllim të reduktimit të përmbajtjeve të ndaluara në internet, më 15 qershor 2017, Parlamenti Europian, kishte kërkuar forcimin e masave për gjurmimin e përmbajtjeve ilegale dhe të dëmshme dhe se Këshilli Europian kishte përmisuar detektimin automatik dhe heqjen e përmbajtjeve që nxisin aktet terroriste. Në përmbajtjen e tij, trajtoheshin edhe termet specifike, që ishin propozuar si: definimi i përmbajtjes terroriste ose materialit dhe informatave që nxisin, inkurajojnë ose avokojnë kryerjen ose kontribojnë në kryerjen e veprave terroriste, ose sigurojnë instruksione për kryerjen e veprave të tilla ose promovojnë pjesëmarrjen në aktivitetet e grupeve terroriste, pastaj ishin trajtuar edhe terme të tjera.^[2] Komiteti për Liritë Civile, Drejtësi dhe Punë të Brendshme(LIBE), adoptoi propozimet për rregulloren e Parlametit Europian dhe Këshillit për parandalimin e shpërndarjes së përmbajtjeve terroriste në internet.^[3]

Me këtë rast përkufizohej edhe termi përmbajtje terroriste, e që thuhej se legjislacioni do ta mbulojë materialin inter alia:

nxitjen për kryerjen e një vepre penale nga glorifikimi i akteve terroriste,

nxitjen e personave që të marrin pjesë në aktivitetet e grupit terrorist, përfshirë edhe sigurimin e informacioneve dhe resurseve materiale, ose me financimin e aktiviteteve në çfarëdo mënyre;

sigurimin e instruksioneve për prodhimin, ose përdorimin e eksplozivëve, armëve ose armëve të tjera ose substancave të dëmshme a të rrezikshme për të kryer vepra penale terroriste.^[4]

Në Britani të Madhe, është bërë një iniciativë, për inkriminimin e posedimit të propagandës terroriste që e glorifikon ose e inkurajon  ekstremizmin.^[5] Gjegjësisht Britania e Madhe ka bërë një hap shumë të rëndësishëm, duke hapur faqe zyrtare për raportimin e materialeve në internet që promovojnë ekstremizmin ose terrorizmin, e që shpjegohet që mund të jenë: artikuj, fotografi, fjalime ose video që promovojnë terrorizmin ose inkurajojnë dhunën, pastaj faqet e internetit të bëra nga terroristët ose organizatat ekstremiste, video të sulmeve terroriste.^[6] Tashmë kemi parë, edhe disa dhjetëra raste të arrestimeve e dënimeve të propaganduesëve terrorist islamik, në shumë vende të BE-së.

Kurse tashmë në shumë vende perëndimore, protestat në mbështetje të Palestinës, janë ndaluar dhe eksponentët e tyre janë dëbuar.

Vendet tona, akoma nuk kanë bërë veprime konkrete në lidhje me radikalizmin dhe ekstremizmin islamik, ashtu nuk ka inkriminuar si vepër të veçantë penale “propagandën terroriste.” Edhe pse “propaganda për terrorizëm” e sanksionuar edhe në Kodin Penal të Republikës së Kosovës, në nenin 134, e emërtuar “Shtytja për kryerjen e veprave terroriste”, që përkufizohet:” Kushdo që shpërndan, ose në ndonjë mënyrë tjetër mundëson me çdo mjet, mesazhin për publikun, me qëllim që të shtytë kryerjen e aktit terrorist, kur sjellja e tillë pavarësisht nëse avokon drejtpërdrejtë ose jo aktet terroriste, shkakton rrezikun që një ose më shumë vepra të tilla të kryhen, dënohet me burgim prej një (1) deri në pesë (5) vjet.” E që kjo sipas shpjegimin të Komentarit të Kodit Penal të Republikës së Kosovës:” Kjo vepër penale konsiderohet se kryhet në rastet kur ndokush në mënyrë publike, ose me anë të mjeteve të informimit publikë thërret, ose dërgon mesazh me qëllim që të shtytë persona të pa përcaktuar që të kryejnë vepra terroriste. Ftesa, mesazhi apo rekomandimi për të kryer akte terroriste mund të jetë i drejtpërdrejtë apo i tërthorët. Me rëndësi është që thirrja apo mesazhi të jetë publik dhe me aso përmbajtje, aso natyre dhe performance të cilat shkaktojnë rrezik që ndaj një apo më shumë personave të kihet për qëllim që të ushtrojnë ndikim për të kryer një apo më shumë vepra terroriste.”^[7] E që mrekullisht është shpjeguar në komentimin, ku vazhdon:” Vepra konsiderohet se është kryer, është përfunduar me vetëm faktin e ndërmarrjes së veprimit me qëllim që të ndikohet tek personi apo personat tjerë të kryejnë akte terroriste. Pra, për ekzistimin e kësaj vepre nuk është e domosdoshme që edhe të jetë kryer një apo më shumë vepra terroriste.”^[8] Dhe se:” Këtë vepër penale mund ta kryejë çdo person dhe kryhet me dashje direkte, por mund të kryhet edhe me dashje eventuale.”^[9]

Por për fat të keq, deri më tash, asnjë rast nuk kemi pasur të ndjekjes penale të terroristëve islamik që propagandojnë. Mirëpo kam disa raste, që terroristët e tillë, kam arritur me i ndjek penalisht në disa vende të BE-së, prandaj sa herë kam pa raste të postimeve të tilla në rrjetet sociale, që i janë drejtuar kundër ndonjë qytetari tonë, i kam këshilluar që të denoncojnë në polici.

Më:24.05.2025

Skender Jashari  i burgosur politik nga  EULEX, për   rastet  e sulmeve kundër policisë dhe xhandarmërisë  së Serbisë në  Dobrosin komuna e Bujanocit.

Master drejtimi juridiko-penal dhe studime joformale ushtarake.