Sevdail Hyseni: Servili

Sevdail Hyseni

Satirike

Servili

Në agim të ri dhe në muzg të vjetër,

Servili përkulet, nën këmbë si letër.

E vlerëson pushtetin sikur perëndi,

Në gjunjë i bie, me shumë përulësi.

Buzëqeshja e shpifur, shpirti katran,

Me lajka e fjalë e përlanë dynjanë.

Kur vajton servili, me lot krokodili,

Me sy e gojë të hapur si ata nga Nili.

Maskën pa fytyrë e gjurmë krenarie,

Puthador i mjerë, një ves skllavërie.

Ka të fryjë era e mbështet interesin,

Ku flitet për fitime, aty e hap thesin.

Servil i ndyrë, pa kurriz e pa fytyrë,

A e shikon veten një herë n’pasqyrë?

Servilizmi yt, shkon përtej skandalit,

Ashtu sikur miza, nën bishtin e kalit.