Xhemal Ahmeti: Gjykata e Teheranit!

GJYKATAT E TEHERANIT

Nga Xhemal Ahmeti

Po të lexoja se në Iran ndonjë Gjykatë kërkon elemente për padi ndaj ndonjë lëvizjeje anti-islamike (në këtë rast ndaj një aksioni kundër një islamizmi politik agresiv me tendenca difamimi e urrejtjeje ekcesive të Tjerëve ndryshe) nuk habitesha. Sepse atje feja është shteti. Por se kjo ndodh në një shtet me kushtetutë sekulare, demokraci liberale dhe atë pikërisht në Kosovë nuk do ta besoja. A e di Gjykata e Pejës se RK nuk është shtet islamik? As teokraci? Ajo në bazë të ligjeve është e detyruar të mbrojë para se gjithash të drejtën e qytetarit për të qenë apo mos qenë religjioz dhe del jashtë ligjit nëse bëhet sherbetore direkte e kësaj apo asaj feje. Të fundit janë shoqata jo institucione shtetërore. Pse nuk kërkojnë elemente inkriminiuese te socialistët që luftojnë kapitalizmin liberal dhe anasjelltas? Ose pse nuk hetojnë BIK e Islamin që quan homoseksualët si sëmundje që duhet braktisur/çrrënjosur? Ose pse nuk hetohen xhamitë që përdhunojnë të drejtën e atyre që duan të jenë shqiptarë? Sepse e drejta e tubimit qytetar dhe mendimit të padhunshëm është çështje private dhe nuk disponon me garancitë e shtetit në rast të kundërshtimit, respektivisht shteti nuk mund të ndalojë as shoqatën për mbrojtjen e derrave as atë të gjuetarëve e as atë të natyralistëve. Pse i jepni diplomë juristi çdo infantili që i ka do qindra euro në xhep? Nëse dikush duhet hetuar janë ata që thonë se gjithë ata që nuk u nënshtrohen janë për në xhehnem, se duhet përjashtuar, zhdukur, pasi nuk pranojnë të vërtetën e tyre absolute kozmike - e cila për gjykatat në fakt nuk ekziston, ngase gjykata kosovare janë kompetente vetëm për në Tokë e jo edhe për çështje pseudometafizike hordhish paramesjetare që duan të zhdukin gjithçka që nuk duket si ata.

__________

Tash doli e qartë se kush ishin akterët e infiltrimit të radikalëve islamik në LVV. Të njejtë tentojnë sot shpërdorimin e tyre ordiner për të fituar vota - me një tjetër flamur partie. Nganjeherë njeriut i duhen vite për ta konsideruar një analizë si të mbyllur.

Historia dhe politologjia janë shkenca e jo fjalime ditore politikanësh lokalë, prandaj mos u besoni kur llapin, sidomos kur sheshazi janë ideologjik të koktejit të njohur ruso-islamik.

__________

„Lista Serbe“ si organizatore, promovuese dhe glorifikuese e terrorizmit është organizatë që i duhet ndaluar veprimtaria politike. Përveç kësaj ajo prononcohet hapur se është parti politike e Serbisë, ku edhe duhet të marr pjesë në zgjedhje, por jo në Kosovë. Serbët e Kosovës duhet të distancohen nga terrorizmi ruso-hamasik i Beogradit dhe të militojnë në parti tjera vendore.

__________

Në vend të sanksioneve shkojnë me pako tek Vuçiçi. Personalisht, pas Kongresit të Berlinit nuk njoh ndonjë instancë tjetër ndërkombëtare më të padrejtë ndaj shqiptarëve dhe Kosovës se sa BE kësaj radhe e asistuar nga SHBA. Zvarritja e sanksionimit pas sulmit terrorist si dhe bindja se Serbia destabilizon dhe plagos ushtarê të KFOR -it është dëshmia e gjithë kësaj. Ai nuk nënshkruan, kërcënon, sulmon këta ndëshko Tjetrin. Spanjolli e sllovaku vihen në krye të normalizimit - që s’e njohin vendin. Çfarë potezi cullak e i pandershëm. Server dhe Bugajski kanë të drejtë: Kosova duhet të qëndrojë në diplomaci mbi këmbët e veta. Shpresoj që pushteti dhe opozita ta dinë si.