E premte, 14.06.2024, 05:00 PM (GMT+1)

Mendime » Çeliku

Kalosh Çeliku: Fabrika e poetëve

E hene, 04.09.2023, 07:57 PM


FABRIKA E POETËVE

Nga Kalosh Çeliku

Përçudi, falë ndihmave finianciare të partive politike me institucionet e shtetit të “përbashkët, Sot edhe përvjetoret përkujtomore të personaliteteve historike shënohen me kokteje “hallall”: një shishe ujë gline, Coka - Cola, Fanta, ?aj Rusi... Dhe, nga një kifle mbi tavolinë. Moti kohë i kemi harruar këmbët e pulës, që me muaj na vinin me anije nga Amerika. E, ne me duartrokitje dhe poezi i prisnim mbi tavolina nëpër manifestime kulturore poetike dhe dasma familjare. Edhe, pse: Rakia e rrushit dhe vera, janë “haram”. Pamarrë parasysh, se nën Rrap: Unë, ?ajin e rusit e kam shpallë “haram”. E rakinë e rrushit dhe verën, “hallall”. Fantastike, ë?! Frymëzime për lindjen e poezive. Ec, e mos shkruaj poezi në këto përvjetore përkujtimore të personaliteteve historike. Qafë për qafe me Nënën Parti.

Shoqata të shkrimtarëve dhe artistëve, Sot kemi edhe nëpër katunde pa shkrimtar e artistë, po aq sa kemi parti politike. Këngë e valle. Dajret dhe tupanët i bëmë copë – copë. Vit pas viti, organizojmë manifestime poetike pa poetë me partizanë të partive politike. Burra e gra lexojnë poezi patriotike. Asnjëri, erotike. Punemadhe, se: nuk kanë botuar ndonjë libër, ose e kanë në shtëpi. Aty për aty, e lindin poezinë me shterëzime para mikrofonit. Vërtetë, janë gjeni.

Përderisa dje, personalitetet historike na i ndalonte sistemi komunist, sot i përbaltim ne vetë shqiptarët me përvjetore përkujtimore. Edhe, atë: Kujtiteket, si partzan i partive politike, veten e shpall poet. Tymeflakë, i shkrep vargjet nga goja. E vret armikun. Gjakun e derdh deri në gju, që sipas këngës popullore mbytet edhe kali. Publikisht, e shpallë Shqipëri Etnike. E, partia politike në pushtet e shpërblen me një vend pune. Ose, e emëron si anëtar komisioni në institucionet e shtetit të “përbashkët”. Ndonjërin, më besnikun pas shëtitjeve partiake nëpër botë si turist i Marrdhënjeve Diplomatike, në pension edhe kryetar të Shoqatës të Shkrimtarëve.

Fat kemi Sot, që: ato personalitete historike nuk janë gjallë, dhe nuk zgjohen nga varret. Përndryshe, do na përzenin me grushta e shqelma nga përvjetoret e tyre përkujtimore historike. Mjaftë më bëtë dasma politike – partiake, dhe u tallët me ne të vdekurit! Nateditë, para kamerave televizive shpallët “fitore”. Sot, hapët edhe fabrika të poetëve. Nuk mund të vijmë nga varret kësaj radhe të ju shpëtojmë gjatë fushatave parazgjedhore lokale dhe parlamentare. Thyeni qafën në histori! Mjaftë më ndejtët në pushtet si kukulla teatri! Nuk dini t’i luani rolet. Tekstin e autorit nuk e mbani mend. E keni cenzuruar dhe shkurtuar pa nevojë. Nuk e dini, kush ua tërheq penjtë. Dritat u janë shuar në skenë. Errësira ua ka mbyllë sytë. Nuk ndizen, as shuhen reflektorët. Shfaqja Repriza e “vëllazërim – bashkimit” mori fund. E vodhët popullin. Dyert e Tetarit të kukullave i keni të hapura krahmëkrah për Dalje. Radhën e keni të vini mes varreve.

Të lumët ne, Sot! Që, partia na lindi edhe poetë...



(Vota: 17 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora