Përparim Hysi: Oha, qeveri!

Oha, QEVERI!

In memoriam SKËNDER HODO

(tregim)

Nga Përparim Hysi

SKËNDER HODO ishte nga fshati CFIR i MALLAKASTRËS. Nga Cfiri ka qenë dhe një nacionalist apo ballist që kish një çetë luftarake që quhej TEFIK CFIRI. Si bashkëfshatar i TEFIK CFIRIT, edhe SKËNDER HODO bënte pjesë në atë çetë. Historikisht dihet si përfundoi BALLI dhe çetat e tjera nacionaliste. Me ÇLIRIMIN e SHQIPËRISË nga pushtuesit, komunistët vendosën pushtetin e tyre që e quajtën pushteti popullor. Ky pushtet ku domenin e kish partia komuniste, i vuri nënë satër gjithë kundërshtarët. Nën këtë"satër", për pak shpëtoi dhe koka e SKËNDER HODOS. Nuk e pushkatuan, por e dënuan me njëqind e një vite burg. Kur thuaj"njëqind e një", duket që nuk del i gjallë, por ja  pas gati 20-vjetësh burg, e nxorrën nga burgu dhe mesviteve '60-të të shekullit tjetër, e sollën me gjithë familje në MBROSTAR-URA të FIERIT që ishte tani si sektor ferme. Aty, në MBROSTAR-URA, e njoha SKËNDER HODON që, për shkak të moshës, i thërrisnim  xha SKËNDO! Qe burrë i zgjuar dhe, sado që në burg kish hequr të zitë e ullirit, nuk rrinte pa shfryrë kundër qeverisë. Inatin e kish mu mbi majë të hundës dhe mezi priste që të përmbysej pushteti. Ai në"shkollën e burgut"(se shkollë e quante me të vërtetë, veç qendresës, nga dy"FRETËR" kolegë në burg, kish mësuar të lozte"shah". Aty, duke lozur"shah", më fliste se si e kishin arrestuar. Kur të rrethojnë, - më mbante leksion ai, - mos ki frikë nga polici.Se polici bën llogari kokën e tij.Keq është me ushtarin:këtij i rri pas oficeri dhe do zbatojë urdhërin.Ushtarët na kapën, - tha ai. Ishte shumë miqësor dhe besonte në miqësi. E dëgjova që në sy tim, i tha një tjetri:"Më datën 29, se kaq e ka kjo qeveri!!!" Tjetri u largua duke qeshur.

-Ore, ç'bën, -ndëryhyra, i frikësuar.Më duket të ka marrë malli për birucë.

-Jo, -më tha, - është nga ata të ASIM XHINDOLES dhe është më keq se unë.

*      *     *

Bujqësia (si gjithë bujqësia socialiste) po bënte poshtë e më poshtë. Rrypit të mesit po i mbaroheshin vrimat dhe ndodhi që një ditë brigadieri t'i thotë xha SKËNDOS:

-E sheh atë lopënlarë.të madhen fare?

-E shoh, tha xha SKËNDUA.

Asaj vëri kularin dhe bashkë me Balashin  do plugoni tek blloku 10!

Ore, brigadier, - foli i revoltuar xha SKËNDO, po ku është parë të  vësh nën zgjedhë një lopë?Lopa na ka dhënë qumësht dhe për ne, fshatarët, është e bekuar si buka.

-Nuk ka më qumësht dhe do ta shfrytëzojmë, se kot nuk e kemi blerë në HOLANDË.

XHa SKËNDUA u vuri zgjedhën dhe fllloi të plugonte.Nga larg,  pa që po afroheshin përgjegjësi  i sektorit dhe sekretari i partisë. Kaq donte Xha SKËNDO dhe, tek i shponte me hosten,  foli:- Oha Pal! Oha, Kozma! (Pal, përgjegjësi i sektorit dhe Kozma, sekretari i  partisë. Kur e pa që fjalët e tij, do dëgjoheshin mirë, e ngriti dhe ca zërin dhe buçiti:"Oha, qeveri!!!".  Ardhësit u alarmuan.Çfarë u the  ashtu qeve?

-Nuk janë qe, jo.Është një ka dhe një lopë dhe ndaj u thashë:-Oha, qeveri!!"

-Ti të shashë qeverinë popullore apo ke harruar kush je?

-Jo, -nuk kam harruar, po ku ka qevei që vë lopën në kular.

Lër punën, - bërtitën njëzëri dhe do ta shohim punën tënde.

Mbasdite u mblodh i tërë sektori dhe, mbasi demaskuan armikun e klasës, SKËNDER HODO, u mor vendim:

Dëbohet familjarisht nga ferma dhe të kthehet në fshatin e tij, CFIR.

Epilog

Kjo ngjarje ka ndodhur mesviteve '70-të dhe unë e risolla pikërisht tani. Se tani, më shumë se kurdoherë, duhet të bërtasësh:"Oha.qeveri!". Se mjerë kush ka një hall dhe nuk zgjidh dot. Ka nepotizëm, ka hajdutllëk sheshit nga qeveritarët dhe mos guxo as të sëmurësh dhe mos pretendo se, gjasme, ke të drejtë. E drejta varet nga gjykimi i "padishahut" që ka atribute, pothuaj, hyjnore. Nuk flas me apriori, por me fakte shumë domethënëse.

Sa për të bindur ata që do e lexojnë këtë tregim të jetuar, do të rrëfej vetë diçka me veten time.

Se si iu tek, kryeministrit, dhe hapi një rubrikë, ku thuhej:-Shkruaj EDI RAMËS! Jepej dhe linku se si. Dhe unë, sado që më është regjur lëkura, besova dhe i shkrova. I shkrova për pensionin mjeran timin dhe, ndoshta, më takonte pension i veçantë sipas  kushteve që praqiteshin.

Nuk plotësoja kushtin e LNÇL për arsye moshe dhe, të tjerat.që të gjitha.Kam një xhaxha të pushkatuar me GRUPIN e dytë të  deputetëv në vitin 1948. Kam patur gjyshin kulak,  Jam pushuar nga arsimi për biografi. Dhe kushti i fundit: A ke veprimtari pas daljes në pension? Iu përgjiga kam shkruar mbi 10 libra me prozë e poezi dhe shkruaj akoma(tani janë bërë 20, por dhe dyzet të jenë.E di vet padishahu RAMA. As begenisi të më kthente përgjigje, po, kur doli lista, pashë veç tjerash, që i ishte lidhur pension i veçantë MEDI BUSHATIT.SE  është shok me padishahun dhe, kur më pushuan mua në vitin 1968, ky ish futbollist i "Dinamos" dhe dhëndrri i Hysni Kapos, filloi si oficer hetues në Ministrinë e Mbrendshme. As pyeti EDI RAMA, kur një ish i burgosur, mend bërtiti:-Me siguri i ke lidhur pension të veçantë për pëllëmbat që më hoqi mua!!!

Mund vazhdoja dhe me shembuj të tjerë, por dhe me kaq ia vlen të bërtasësh si i ndjeri, SKËNDO HODË:"Oha, qeveri!" Dhe, po të ishte gjallë MIGJENI, do bërtiste:"Deri kur kështu ma?"

Tiranë, 25 gusht 2023