Edmond Shallvari: Jam Njeri

Edmond Shallvari
 
Jam NJERI!
 
Jam krijesë absolute
Hë për hë në gjithësi
S’ka si mua,
më të bukur, më të zgjuar
Jam Njeri, Njeri, Njeri!
 
Shkatërroj, krijoj, ndërtoj
S’ndodh kështu në gjithësi?
Nëse Zotin e pranoj
S’duhej t’isha ky Njeri!
 
E kush thotë, ka mbi mua?
Poshtë meje, s’bëj çudi
Nuk di kush më ka krijuar
Pse, mos vall’ Zoti e di!?
 
Do vazhdoj siç kam vazhduar
Jam Njeri, Njeri, Njeri!
Qenie tjetër,
më e bukur, më e zgjuar
Po ja mbajti, le të vij!