Hasan Hasanramaj: Përvjetori i vrasjes së nënkryetarit të LDK Fehmi Aganit nga forcat serbe

Përvjetori i vrasjes së nënkryetarit të LDK Fehmi Aganit nga forcat serbe

Atdhetarit, akademikut, politikanit dhe njeriut me besnik që rezistoi për lirinë e Kosovës

Nga Hasan Hasanramaj

Profesorit i shumë gjeneratave të nxënësve dhe studenteve të shkollës Normale, Universiteti në Prishtinë, atdhetarit, njeriut dhe intelektualit me të shquar, heroit legjendar të kohës moderne të Kosovës dhe të botës shqiptare, i cili ishte shembull unik i një personaliteti që në vete gërshetoi dijen dhe ngritjen intelektuale, vizionin dhe guximin e pashoq për të sfiduar me dekada shtypjen dhe terrorin e paparë që  iu bë Kosovës dhe qytetarëve të saj në shekullin e fundit ne nxënësit dhe studentet dhe  popullata e Kosovës nëpërmjet këtyre pak rreshtave e përkujtojmë dhe kurrë nuk e harrojmë vdekjen dhe vrasjen e tij tragjike nga forcat serbe...

Motorin e gjitha të arriturave  politike të prof. Fehmi Agani i cili gjatë tërë jetës se tij ishte motor i të gjitha arritjeve politike në Kosovës. Ai ishte personi që bëri ngritjen dhe aftësimin politik të vetë Ibrahim Rugovës. Ishte këshill dhënës i rregullimit të raporteve politike. Dha kontribut të madh në drejtim të avancimit të çështjes kombëtare. Ishte nismëtar i të gjitha lëvizjeve që ripërtërinin amullinë politike në Kosovë. Ishte bashkërendues i veprimeve politike në Kosovë. Udhëheqës i urtë politik. Ishte shumë i afërt me Ibrahim Rugovën dhe me çdo këndë në Kosovë e ma larg. Ishte bashkëshort, prind, profesor, miku i dashur për çdo kënd që e ka njohur dhe nuk e ka njohur. Vrasja barbare nga forcat serb  për ne nxënësit, studentet dhe popullin e Kosovës ishte ngjarja me dhimbshme. Pra edhe pse ai me nuk është në mesin tonë ne gjatë gjithë jetës e kemi mbajte dhe do ta mbajmë ne zemrat tona...