Gjergj Kabashi: Le të deklarohet Nagavci, e mos të na provokojë minoritarja Dude Balje!

Le të deklarohet Nagavci, Ministrja e Arsimit të Kosovës për të ashtuquajturën “çështje e shamisë” , e mos të na provokoj minoritarja Dude Balje!

Nga Gjergj – B. Kabashi

Ata që thirren në kulturën Shqiptare të Gjakovës, që është pa asnjë dyshim e madhe dhe me ndikim në rrafshin gjithëkombëtar, duke mos pa “shibla” të ndikimit antishqiptar panreligjioz, pikësëpari le ta pyesin shkrimtarin dhe historianin Fahri Xharra për realitetin si dhe disa të tjerë nga Gjakova, Afrim Cakën e bllokuar dhjetëra herë për mendimet e tij të lira , të shfaqura në fb, e sidomos Gjin Morinën, që edhe e arreston policia në rrugë e edhe e dënojnë pastaj me burg, se si janë duke kaluar në një mjedis të tillë idilik!

Fahri Xharrën antishqiptarët e spiunojnë dhe bllokojnë vazhdimisht, madje vetëm për një fjalë goje , e dihet se Fahriu nuk flet gjëra të pabazuara , por gjithmonë shkruan për gjëra që bazohen në realitetin jetësor e historik.

Spiunët nuk banojnë në mars, por ata janë kryesisht nga Gjakova!

Gjini madje edhe qe arrestuar dhe u mbajt në burg për kritikat e tij të shfaqura në një libër poezishë, pikërisht nga spiunimi i njerëzve “të institucioneve” , që ai e di mjaft mirë se kush mund të jenë.

Rasti i Gjin Morinës, të cilin e pati ndalur policia në rrugë si përhapës të urrejtjes, do të mbetët si një njollë e madhe në shtetin e Kosovës, ku ndodhin gjëra që Njeriut mos me ia marrë mendja se mund të ndodhin ; ku arrestohen të rinj se e kanë hequr flamurin turk në nga një shtyllë në Prizren, – mu në ditën e 17 Shkurtit, kur kuptohet që nuk është dita e pavarësisë së një shteti të huaj , si Turqia, por Dita e Pavarësisë së Kosovës.

Apo kur publikisht shqyhet dhe hudhet në “shportë plehërash” flamuri kombëtar Kuq e Zi dhe kurrgjë kurrkujt, asnjë pasojë për keqbërësinë?!…

Një ndër islamistët më të njohur të mbarë Shqiptarisë (“Arnautllukut” të tyne anti-shqiptar), ishte pikërisht një shovenist religjioz “gjakovar”, tashmë i ndjeri Mexhid Yvejsi.

Prandaj, kur të flasim për pasojat e islamit politik global (dega e “Arnautllukut”), duhet të mbështetemi me kujdes në fakte e dëshmi dhe që me vëmendje ti analizojmë dukuritë e tilla antishqiptare, pasi shpesh veprimet e tilla nuk duken aq lehtë , pasi islami politik ecë përpara kadaldale, duke i zënë pozitat kombshkatërruese.

Reagimi i qartë dhe logjik i drejtoreshës së shkollës “Nexhmedin Nixha” në Gjakovë , Florentina Gjergjaj, do të duhej të bëhej nga MASHT dhe Ministrja e Arsimit Arbërie Nagavci, e të mos lihet barrë në ndërgjegjen e asnjë mësimdhënësi, drejtoreshe/drejtori të shkollës apo qyteti si Gjakova (se ne nuk jemi lokalpatriot), por të mbetët çështje e preokupimit të shtetit të Kosovës, apo brengë gjithëkombëtare, pasi islami politik global, sikurse “dega e Arnautllukut”, nuk njohin kombe pasi sipas tyre islami është milet/umet apo komb në vete!

Gjithmonë duhet tu ruhemi gjarpinjve helmues, duke mos menduar fare se cili është më shumë a më pak helmues, pasi të gjithë janë njësoj!

Ndërkaq minoritarja Dude Balje le të sillet vet si Muslimane , e mos ti shes dokrra demagogjike një kombi të tërë, në emër të drejtave e lirive njerëzore.

Dhe ajo si propagandiste islamike dhe kushdo që mund ti rrij pas, le ta kuptojnë se Shqiptarët nuk janë popull NAIV dhe fundja nuk lejojnë që të mashtrohen lehtë.

Foto e Albin Kurtit me vajzat apo gratë “me mbulesë”, do të thotë me flamurtaret e islamizimit të kombit shqiptar… Edhe nëse Albin Kurti se ka folur asnjë fjalë e se ka dhënë asnjë premtim, fotoja e përbashkët me to është shenjë solidarizimi me ato që me vetëdije apo pa të prijnë në asimilimin e kombit shqiptar.

Historia e provokimit islamik neoosman (turk) dhe serbomadh, është riaktualizuar që nga paslufta, pra menjëhere pas gjysmës së Qershorit 1999 kur tashmë ishte e qartë se SHBA, Britania e Madhe dhe luftëtarët e lirisë shqiptare e bënë një hap të madh për lirinë e kësaj pjese të kombit.

Mu për këtë u rikthyen dhe riaktualizuan skenarët e vjetër për shkatërrimin e kombit shqiptar me Islam, njejt si dikur në të kaluarën.

Flamurin e këtij vetshkatërrimi e morën apo ua lanë në dorë menjëherë pas kësaj lufte atyre që u identifikuan me luftën çlirimtare, sidomos udhëheqjes së PDK-së , në krye me Hashim Thaçin, i cili me apo pa dëshirë i priu fushatës së asimilimit me islam. Për vite të tëra PDK e kishte afër saj shtabin politik që mund të thuhet se i bënte të gjitha përllogaritjet për asimilimin e kombit, madje edhe kryeislamisti politik ishte i lidhur me të.

Në LDK vetëm Ibrahim Rugova ishte hapur kundër këtij asimilimi të rrezikshëm të kombit ndërsa partia që e udhëhiqte, si gjithmonë, ishte pa ndonjë qëndrim të qartë për ta penguar asimilimin përmes religjionit islamik.

Pasi Ibrahim Rugova vdiq papritur, në ndërkohë pas disa improvizimeve erdhi koha kur në krye të kësaj partie erdhi Isa Mustafa, që ishte ministër i së ashtuquajturës “Serbia Unike” e Slobodan Milosheviqit, kur u rrëzua dhunshëm autonomia e Kosovës.

Isa Mustafa dhe udhëheqës të tjerë nga parti të tjera politike, e filluan ta bënin atë që Serbia dhe Turqia e dikurshme , e kishin bërë me vite: Ndamjen e popullit shqiptar në bazë të së ashtuquajturës përkatësi religjioze, që është pa asnjë dyshim veprimi më antishqiptar i mundshëm dhe pyka më e madhe kombshkatërruese.

Atë që e përshpërisnin papagallqe antishqiptarët e islamit politik, në vijim ia nisën ta pëshpërisnin edhe “politikanët tonë”, duke e bërë atë që se bënë asnjë udhëheqës i një kombi sovran e të dinjiteshëm në botë: shkatërrimin kombëtar përmes një religjioni , tashmë Islamit politik, të shndërruar politikë të ashpër religjioze.

Xhamizimi i vendit mori përmasat që si ka imagjinuar kurrë askush, duke e shndërruar vendin tonë Shqiptar në një vend me imazh stër-arab, ku Islami i shtin “turinjt” gjithkund, madje edhe në jetën intime të njerëzve. U shpik edhe termi islamofobi në kohën kur çdo Shqiptare/r, kishte e ka arsye të jetë i frikësuar nga Shqiptarofobët institucinal që vazhdimisht i fshehin “këmbët” dhe mendimet antishqiptare, por që me kujdes ia rrahin shpinën krijesës së shëmtuar të islamit politik, shqiptarit e shqiptares së shfytyruar e të dërmuar prej propagandës legale antishqiptare.

Gjithçka u bë e po bëhet në emër të të drejtave e lirive njerëzore, për të arritur këtu ku na sollën, pothuaj buzë varrit të shkombtarizimit në rrethana lirie. Edhe e ashtuquajtura “çështje e shamisë”, niqabi apo burka, janë vetëm hapat drejt këtij asimilimi të kobshëm kombëtar.

Kjo foto me tekstin ngjitur për të, e përbërë nga disa foto të Dude Balje, minoritares gorane që i thotë vetës “boshnjake” , flet vetvetiu për natyrën e kësaj propagande të përqëndruar. Dude e bënë atë që e ka për detyrë ta bëj çdo islamiste apo islamist politik, që të flas në emër të “fesë që i përket”, që do të thotë në emër të panturqizmit a panislamizmit, si projekt botëror panreligjioz.

Në vend se të paraqitet si myslimane me M të madhe, të vishet e sillet si e tillë, Dude ka zgjedh metodën e provokimit të popullatës shumicë shqiptare në vendin e vet duke e keqpërdorur pozitën e deputetës së Kuvendit të Kosovës. Edhe veprimtaria e saj kundër komunitetit LGBT, edhe mësymjet e pandalshme për “çështjen e shamisë”, shkojnë po asaj rruge të shfytyrimit kombëtar të shqiptarëve. Bukuroshja gorane është shndërruar në “mashë” përfituese të islamit politik të kësaj pjese të “Arnautllukut”, për ta bërë atë që nuk arritën e dështuan ta bënin mëshkujt Musliman, qofshin ata hoxhallarë apo islamist politik, deri tek Akademiku Rexhep Qosja , që dikur “krenohej” dhe shprehej “i lumtur” që Shqipëria “është vendi më ateist në botë”.

Të gjitha këto foto , e kanë një porosi , synim dhe qëllim të qartë , se Islami politik me ndihmën e “udhëheqësve arnaut” , duhet të ecë përpara me ngulm e vendosmëri për të ashtuquajturat të drejtat publike-poltike religjioze islame, që synojnë zënien e hapësirës së shtetit laik të Kosovës, të shpallur të tillë edhe përmes Kushtetutës së vendit.

Për ta arritur këtë qëllim morbid, natyrisht se këtij projekti botëror që përkrahet nga turkomëdhenjt e serbomëdhenjt , i janë dashur udhëheqës të korruptuar e të shantazhuar e se kush janë ata e tregojnë hapur disa nga ata që shihen në fotot në vijim.

Por, aty ku e lanë PDK dhe LDK, është duke e vazhduar LVV.

Të gjithë veprojnë në emër të “mbajtjes së pushtetit”, duke treguar se janë në gjendje ta krijojnë edhe një “komb tjetër” , pavarësisht shkatërrimit dhe kalbjes së kulturës kombëtare shqiptare që janë duke e ndihmuar kaq armiqësisht.

E keni vërejtur se të gjithë Islamistët Politik të “Arnautllukut” e kanë një gjuhë tjetër, “të përvuajtur”, të thjeshtë, gjuhë “popullore” të mbushur përplot me orientalizma. Madje islamistët politik përpiqen ta ndryshojnë edhe ngjyrën e zërit kur flasin. Njeriut të pa përvojë e naiv, mund ti vije keq (“gjynah”) kur i dëgjon tek flasin islamistët politik “pa të drejta”, sidomos ata që vijnë nga PDK, partia që njihet si vatra e islamizimit antishqiptar të kombit. Islamistët politik “arnaut” edhe kur janë në rrugë për ta shkatërruar dikë, ata ankohen njësoj si shovenistët serbë dhe rusë për dhunën që gjoja e përjetojnë nga viktimat e tyre!

Nga teksti i kësaj “fatwa-je” Muslimane kuptohet puna e madhe antishqiptare e bërë ndër vite, punë që e ka sjellë gjendjen këtu ku jemi. Me deputetin Ramush Haradinaj është drejtoresha e shkollës “Nexhmedin Nixha” të Gjakovës, Florentina Gjergjaj, e cila këtyre ditëve e bëri reagimin e duhur që më parë se ajo do të duhej ta kishte bërë Arbërie Nagavci dhe të gjithë drejtorët e shkollave fillore e të mesme të Kosovës. Nuk e kam të qartë (për shkak të mungesës së informatave) se ky tekst mund të jetë shkruar nga njerëzit e BIA-s serbe apo nga islamistët politik, që në shumë aspekte ua tejkalojnë serbëve në urrejtjen ndaj kombit shqiptar. Andaj, Policia e Kosovës bënë lëshim të rëndë profesional nëse nuk arrin ta zbuloj identitetin e personit që shprehet në këtë mënyrë. Gjërat e tilla e kjo frymë kaq e zhveshur antishqiptare, duhet të bëhet e njohur për të gjithë. A e vëreni se edhe në këtë tekst përmendet i ashtuquajturi “Populli Shqiptar Musliman”, ndërsa shqiptarja e emancipuar Florentina Gjergjaj quhet “katolikja e qelbur”. Kjo gjuhë urrejtjeje nuk është luftuar kurrë në Kosovën e pasluftës, madje gjuhëhelmtja e tillë është përdorur edhe nga “udhëheqës” të ndryshëm që na i imponoj koha e pa kohë.

Autorit të këtij shkrimi një ish-kryeministër i ka thënë në gojë se “ti i përket pakicës 3 %”, që është gjuha më antishqiptare e mundshme e kohës sonë, kur dihet se në shekullin që jetojmë për shkak të emancipimit të lartë njerëzor , përkatësia fetare a jopërkatësia fetare e tjetrit nuk luajnë asnjë rol e s’kanë asnjë peshë. Kjo është gjuhë e islmaistëve të tërbuar politik, gjuhë e atyre që në të vërtetë janë më të zi se çetnikët serbë për kulturën dhe integritetin e pacënueshëm kombëtar shqiptar, qysh shprehet shkrimtari Ibrahim Kelmendi.

Gjuha e tillë ata i bënë propagandistë të qarqeve më antishqiptare.

E bëjnë këtë me vetëdije apo pa vetëdije, kjo s’është fare me rëndësi!

Prandaj, Shqiptarët gjithandej ku gjënden e jetojnë, duhet ta kuptojnë se praktikat fetare dhe politikat fetare (si kjo e Islamit dhe Ortodoksisë progreke), janë gjëra krejt të ndryshme. Në praktikimin e një feje a mospraktikimin e asnjë feje, askush nuk ka të drejtë të përzihet, por në politikat e tilla fetariste, si kjo e islamit politik të “Arnautllukut”, duhet të përzihen të gjithë pa përjashtim. Sidomos në pengimin e agjendave antishqiptare të lojës e intrigave të ashtuquajtura si “çështja e shamisë” etj. Ndërsa, atyre që mund t’i thonë dikujt prej nesh se i përkitkemi njëfar të ashtuquajture “pakicë fetare”, apo të “3 %-it”, atyre duhet tu mbetemi gjithë kohën në fyt e qafë, sikurse duhet ti mbesim në qafë e mos ta lëmë të ecë përpara çdo armik të kombit që ende synon të na zhbëjë e qes fare.

Ata që shtypeshin dikur pa të drejtë, duke qenë të shtyrë skajeve të jetës si pjesëtar të “pakicës kombëtare shqiptare”, nuk duhet t’i lëmë tash ta gjejnë atë që logjikisht dhe natyrshëm nuk mund të gjindet: “pakicën” brenda nesh, pra brenda trupit të kombit shqiptar , pasi brenda asnjë kombi e asnjë Njeriu nuk mund të gjejmë “pakica” të “pa vlera”, pa peshë e të pa domethënje, sikurse që mund të imagjinojnë shkretëtirat e ndryshme të mendjes njerëzore.

***

Andaj, Arbërie Nagavci, mos hesht … Nëse heshtin Presidentja Vjosa Osmani dhe Kryeministri Albin Kurti, ti nuk ke të drejtë të heshtësh, se jo kushdo e ka nderin të jetë Ministre e Arsimit të një vendi ku duhet ta ribëjmë identitetin nacional të cënuar nga antishqiptarizmi, për fat të keq edhe institucional e në favor të armiqëve.

Ti duhet të dëgjohesh më shumë e që gjithsesi të flasësh më qartë: Asnjë lëshim nuk duhet bërë ndaj atyre që udhëheqin politika antishqiptare religjioze , të cilët synojnë të imponohen me dinakëri në emër të “drejtave e lirive njerëzore”.

Mos i lejo të flasin drejtorët e drejtoreshat e shkollave, as drejtoritë rajonale të arsimit në qytete si ai i Gjakovës, por fol vetëm ti si Ministre , gjithsesi pasi ta analizosh problematikën mirë e hollësisht.

Ndërkaq atyre që nuk ndalen nga synimi për ta zhbërë vendimin për Udhëzimin Administrativ që e ndalon  mbulesës në shkolla, duhet tu thuash vetëm dy-tre fjalë: Mos u përzieni në çështjet që su takojnë e su përkasin!

Secili popull i ka specifikat e formimit të tij historik, siç i ka edhe populli shqiptar që mund të mbijetoj vetëm nëse nuk e lejojmë fenë (pra asnjë fe, religjion) që të përzihet e bëhet pjesë e shkollës.

Ti Arbërie bartë përgjegjësi për kulturën dhe arsimimin e një kombi e shteti të ri, andaj duhet të jesh jashtëzakonisht e vëmendshme për çkadoqoftë!

Sidoqoftë, ka ardhur koha që të gjithë, secila familje e secili individ, duhet të pyes: Kah po shkon Shqiptarija jonë …?