Albert Habazaj: Këngë për nënat

Albert Habazaj me Grupin 10 Shqiponjat e Tërbaçit natën e dytë të Festivalit të Dytë Folklorik Netët e Bejkës së Bardhë Pilur, 06.06.2021

Albert Habazaj

Këngë për nënat

Kur ka diell, ka pas’ hënë,

Kur ka babë, ka pasur nënë,

Ku ka tokë, fara ka zënë

Bë’ kokrra se ka pas’ rrënjë.

O ju, nëna që bëtë botën,

Për fëmijët lini kokën,

Bëni tok qiellin dhe tokën

Ndaj me ju yjet u mblodhën.

O ju nëna sedërtare

Për vete s’pyetët fare,

O ju shqiponja krenare

Me urata legjendare.

Sa shami të zeza vutë

Me hallet për gryke u zutë,

Sos na i prutë në futë

O lot i patharë në bukë!

Sakrifica juaj ngjitet,

Në trishtime nuk zvarritet,

Çel agim i bukur dite

Dhe merr buzëqeshje drite.

Për ju çelin trëndafilat

Për ju këndojnë bilbilat,

Me buzëqeshje, aq të mira

Perëndesha, ëmbëlsira.

Bekuar dita e nënës,

O nënë, o refren i këngës!

Vlorë, 08.03.2022