Albert Habazaj: Mbesa Amaris mbushi 5 muajshe

Mbesa Amaris mbushi 5 muajshe

Nga Albert Habazaj

Orët, ditët bëhen muaj,

Me mbesën pranverë çela,

Dhe si me një kukull luaj,

Pak çaste, se s’më le Perla.

E bukura 5 muaj mbushi,

Si princeshë po e mban mami,

Ne na ngjan si kokërr rrushi

Ngrohtë e ëmbël rritet Ami.

Nuk qan shumë siç bënte shpesh

Kur ishte e vogël fare,

Si duket, gjyshin e njeh

Që për Amin çmendet fare …

Dhe e marr në dorë Bekimin

Si frymë mjalti në gji,

Me ç’ përmasë më fal gëzimin

Të falem, o Perëndi!

Perlushja s’do që ta mbaj shumë

Si shoqe e ngushtë më thotë:

Lere çupën ta marr unë,

Se je plak e s’e mban dot…

Vlorë, e mërkurë, 23.02.2022