Kastriot Dervishi: Më 23.1.1946 u arrestua Musine Kokalari

Musine Kokalari

Nga Kastriot Dervishi

Më 23.1.1946 u arrestua Musine Kokalari, anëtare e Koalicionit Demokratik, opozita e parë shqiptare e pasluftës, e përbërë nga grupi i rezistencës, monarkistët dhe socialdemokratët. Opozitarët që kërkuan vetëm liri në zgjedhje dhe shtyrje të datës së tyre, u trajtuan si kriminelë nga një regjim kriminelësh. Bashkëlidhur është fleta nga Gjykata e Lartë Ushtarake drejtuar Drejtorisë së Burgut nr.5 Tiranë për ta trajtuar Musinenë si të burgosur. Ia ka llogaritur edhe kohën e mbarimit të burgimit.

_________

Gjatë kohës kur regjimi komunist ua kalonte për nga barbaria gjithë pushtuesve të marrë së bashku, kur internonte fëmijë, gra dhe pleq, vdekja vinte edhe nga sëmundje lehtësisht të kurueshme. Fëmija Pashka Ndre Marku vdiq në Kampin e Tepelenës më 22.7.1951 nga "kolla e mirë".