Kristjan Dukaj: Pakicat në Mal të Zi nuk duan getoizim

Politologu dhe analisti shqiptar nga Mali i Zi, Kristjan Dukaj për televizionin shtetëror të Malit të Zi (RTCG) i ftuar në emisionin “Mostovi”, foli për librin e tij të ri “Pakicat në Mal të Zi dhe mekanizmat ekzistues për mbrojtjen e tyre”, ku theksoi që pakicat në Mal të Zi nuk duan getoizim por integrim me identitet të vetë.

“Ajo në të cilën duhet fokusuar është përfaqësimi proporcional në të gjitha organet shtetërore, duke filluar nga ai legjislativ, ekzekutiv dhe gjyqësor. Çdo gjë që është në interes të pakicave dhe nuk është në dëm të popujve tjerë, duhet të përkrahet nga sistemi” u shpreh Dukaj.

Analisti Dukaj, mes të tjerash theksoi që shqiptarët janë i vetmi popull me prejardhje josllovene dhe për këtë ata dallohën nga të gjithë popujt tjerë në Mal të Zi, duke filluar nga gjuha, kultura etj.

Në fund Dukaj, thkeson faktin që në Mal të Zi ka pasur hapa të dukshëm në përmirësimin e situatës së pakicave, duke filluar me themelimin e ministrisë së pakicave, Fondit për pakica, CEKUM etj, por që gjithmonë ka hapësirë për ta zgjeruar dhe përmirësuar situatën aktuale të popujve pakicë në Mal të Zi.

VIDEO: https://www.youtube.com/watch?v=28yAf9N-Vi4